Առաքել Շոռոթեցի
Առաքել Շոռոթեցի (1613, Շոռոթ - օգոստոսի 8, 1680, Հռոմ, Պապական մարզ), հայ արքեպիսկոպոս, կրոնական և հասարակական գործիչ, տաղերգու[1]։
| Առաքել Շոռոթեցի | |
|---|---|
| Ծնվել է | 1613 |
| Ծննդավայր | Շոռոթ |
| Մահացել է | օգոստոսի 8, 1680 |
| Մահվան վայր | Հռոմ, Պապական մարզ |
| Քաղաքացիություն |  Սեֆյան Պարսկաստան |
| Կրոն | Հայ Առաքելական Եկեղեցի |
| Մասնագիտություն | արքեպիսկոպոս |
Կենսագրություն խմբագրել
Առաքել Շոռոթեցին ծնվել է 1613 թվականին, Երնջակ գավառի Շոռոթ գյուղաքաղաքում։ 1648 թվականին ձեռնադրվել է Ֆահրապատի եպիսկոպոս, իսկ 1659 թվականին Փիլիպոս կաթողիկոսի կողմից նշանակվել է հայրենի Երնջակ գավառի Սուրբ Կարապետ վանքի արքեպիսկոպոս և առաջնորդ։ Սրբակրոն անձ էր և անվանի քարոզիչ, բոբիկ շրջելու համար ստացել է Բոբիկ մականունը, իսկ իրեն նվեր տված դրամներն աղքատներին բաժանելու համար կոչվել է «անարծաթ վարդապետ»։ Մի քանի տաղերի հեղինակ է։ Մահացել է Հռոմում՝ 1680 թվականի օգոստոսի 6-ին։ Թաղված է Հռոմի ս․ Մարիամ Եգիպտացի եկեղեցում[1]։
Աշխատանքային գործունեություն խմբագրել
1679 թվականին Հակոբ Ջուղայեցու հանձնարարությամբ մեկնել է Հռոմ՝ բանակցություններ վարելու։ Առաքել Շոռոթեցին հայրենի գավառում կատարել է մի շարք բարեգործական աշխատանքներ, կազմակերպել եկեղեցիների ու վանքերի նորոգման աշխատանքները։ Դասավանդել է Երնջակի ս․ Կարապետ վանքի դպրոցում[1]։
Ծանոթագրություններ խմբագրել
- ↑ 1,0 1,1 1,2 Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 227 — 368 էջ. — 2700 հատ, ISBN 5-8079-0911-9։