Առաքել Միրզոյան

Վիքիպեդիայում կան հոդվածներ Միրզոյան ազգանունով այլ մարդկանց մասին։

Առաքել Միրզոյան (հոկտեմբերի 21, 1989(1989-10-21), Բաղրամյան, Էջմիածնի շրջան, Հայկական ԽՍՀ, ԽՍՀՄ), հայ ծանրամարտիկ։ 2009 թվականին արժանացել է Եվրոպայի չեմպիոնի կոչման։ 2009 թվականի Աշխարհի խաղերի արծաթե մեդալակիր։ 2012 թվականի Օլիմպիական խաղերի մասնակից։ Միջազգային կարգի սպորտի վարպետ։ Հայտնի ծանրամարտիկ, Օլիմպիական խաղերի չեմպիոն՝ Հոկսեն Միրզոյանի որդին։

Առաքել Միրզոյան
Ծնվել է	հոկտեմբերի 21, 1989(1989-10-21) (34 տարեկան)
Ծննդավայր	Բաղրամյան, Էջմիածնի շրջան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	ծանրամարտիկ
Ծնողներ	հայր՝ Հոկսեն Միրզոյան

Կենսագրություն

Առաքել Միրզոյանը ծնվել է 1989 թվականի հոկտեմբերի 21-ին, Էջմիածնի շրջանի Բաղրամյան գյուղում։ 5 տարեկանից սկսել է զբաղվել ծանրամարտով, իր հոր՝ Հոկսեն Միրզոյանի հսկողության ներքո։ 2007-2009 թվականներին մասնակցել է երիտասարդների և պատանիների միջազգային մրցաշարերի։ 2008 թվականին դառնում է Եվրոպայի չեմպիոն երիտասարդների մեջ։ Նույն թվականին դառնում է Աշխարհի արծաթե մեդալակիր։ 2009 թվականից ընդգրկվում է Հայաստամնի ազգային հավաքականի կազմում։ Եվրոպայի չեմպիոնատի ժամանակ՝ Բուխարեստում, ստանում է ոսկե մեդալ, Աշխարհի խաղերում՝ Կոյանում, դառնում է արծաթե մեդալակիր, իր տեղը զիջելով Օլիմպիական խաղերի չեմպիոն, չինացի մարզիկ Լյաո Խուեյին։ 2010 թվականին ծանր վնասվածք է ստանում և երկար ժամանակ բուժվում։ 2011 թվականին Փարիզում կայացած Աշխարհի խաղերի ժամանակ հանդես է գալիս միջին քաշային կարգում և զբաղեցնում 10-րդ հորիզոնականը։ ՎԵրադառնալով թեթև քաշային կարգին Լոնդոնի Օլիմպիական խաղերի ժամանակ զբաղեցնում է 5-րդ հորիզոնականը։

Տարի	Մրցաշարեր	Անցկացման վայրը	Քաշային կարգը	Պոկում	Հրում	Ընդհանուր քաշ	Վայր
2007	Եվրոպայի երիտասարդական չեմպիոնատ	Լանդսկրունա	մինչ 69 կգ	115 կգ	142 կգ	257 кг	2
2008	Եվրոպայի երիտասարդական չեմպիոնատ	Դուրրես	Մինչ 69 կգ	140 կգ	170 կգ	310 կգ	1
2008	Երիտասարդների Աշխարհի առաջնություն	Կալի	մինչ 69 կգ	137 կգ	165 կգ	302 կգ	2
2008	Միջազգային ուսանողական խաղեր	Կոմոտինի	մինչ 69 կգ	141 կգ	171 կգ	312 կգ	2
2009	Ծանրամարտի Եվրոպայի առաջնություն	Բուխարեստ	մինչ 69 կգ	151 կգ	185 կգ	336 կգ	1
2009	Աշխարհի երիտասարդական խաղեր	Բուխարեստ	մինչ 69 կգ	152 կգ	—	—	—
2009	Աշխարհի առաջնություն	Կոյան	մինչ 69 կգ	154 կգ	180 կգ	334 կգ	2
2011	Աշխարհի առաջնություն	Փարիզ	մինչ 77 կգ	155 կգ	183 կգ	338 կգ	10
2012	Օլիմպիական խաղեր	Լոնդոն	մինչ 69 կգ	148 կգ	—	—	—