Անվիճարկելի 3
«Անվիճարկելի 3» (անգլ.՝ Undisputed III: Redemption), Այզեկ Ֆլորենտայնի 2010 թվականին արտադրված մարտաֆիլմ, որի գլխավոր դերում Սկոտ Էդկինսն է։
Երկիր | ԱՄՆ |
---|---|
Ժանր | մարտարվեստի մասին ֆիլմ, մարտաֆիլմ, ֆիլմ բանտի մասին, թրիլեր[1] և դրամա |
Թեմա | ընդհանուր մենամարտեր |
Թվական | 2010 |
Լեզու | անգլերեն |
Ռեժիսոր | Այզեկ Ֆլորենտայն |
Պրոդյուսեր | Ավի Լերներ և Լատի Գրոբման |
Սցենարի հեղինակ | Բոազ Դևիդսոն |
Դերակատարներ | Սքոթ Էդքինս, Մայքլ Շենոն Ջենքինս, Խրիստո Շոպով, Մարկո Զազոր, Լաթիֆ Քրաուդեր դոս Սանտոս, Մարկ Իվանիր, Ռոբերտ Կոստանցո, Վերմոն Դոբչեֆ, Վալենտին Գանև և Michael Baral?[2] |
Պատմվածքի վայր | Ռուսաստան |
Նկարահանման վայր | Բուլղարիա |
Կինոընկերություն | Nu Image |
Տևողություն | 96 րոպե |
Բյուջե | 3 000 000 $ |
Նախորդ | Անվիճարկելի 2 |
Հաջորդ | Բոյկա։ Անվիճարկելի |
2016 թվականի սեպտեմբերի 1-ին թողարկվել է ֆիլմի չորրորդ մասը, որը կոչվում է «Բոյկա. Անվիճարկելի» (անգլ.՝ Boyka: Undisputed), ռեժիսորը Թոդոր Չապկանովն է։
Սյուժե խմբագրել
«Աշխարհի ամենաիդեալական մարտիկ» Յուրի Բոյկան ստացած վնասվածքից հետո, նա դեռևս ցանկանում է կրկին կռվել։ Այդ ժամանակ աշխարհի տարբեր ծայրերից ընտրում են լավագույն մարտիկներին, որպեսզի նրանք կռվեն ազատության համար։ Ռուսաստանի մարտիկը դարձավ Յուրի Բոյկան, ով հաղթել էր «կեղծ» չեմպիոն Վլադիմիր Զայկովին։ Արդյունքում ընտրվեցին ութ մարտիկներ, ովքեր միմյանց հետ հերթով պետք է մարտնչեին, իսկ վերջում մնալու էին երկու մարտիկ, ովքեր էլ պետք է կռվեն եզրափակիչ փուլում։ Նա ընկերանում է ամերիկացի մարտիկ Տուրբոյի հետ, ում հետ սկզբում վատ հարաբերությունների մեջ էր։ Ժամանակի ընթացքում նրանք հասկանում են, որ բոլորին բացի Ռաուլ «Դոլոր» Կինոնեսին աշխատացնում են, որպեսզի թուլանան և Ռաուլը նրանց կարողանա հաղթել։ Նա կստանա ազատություն և մենեջերները կստանան մեծ գումարներ։ Հետո նրանք իմանում են, որ պարտված մարտիկները անհետանում են և տուն չեն վերադառնում։ Բանտի կառավարիչը հասկանում է, որ Տուրբոն մեծ վտանգ է հանդիսանում «Դոլորի» հաջորդ մարտի համար և նրան հրամայում է ուժեղ ծեծել։ Բոյկան, իմանալով դրա մասին, օգնում է Տուրբոյին փախչել, ինչի արդյունքում Ռաուլը կոտրում է Բոյկայի ոտքը, բայց նա չի հանձնվում և հաղթում է նրան։ Երբ Յուրին նստում է և սառույցը մոտեցնում է իր ոտքին, նրան մոտենում է բանտի կառավարիչը և ասում, որ ազատություն ստանում է միայն մեկ հոգի, բայց քանի որ Տուրբոյին չեն կարողացել գտնել, Բոյկան համարվում է պարտվող։ Նրան տանում են բանտից սահմաններից դուրս և պատրաստվում են գնդակահարել, բայց հայտնվում է Տուրբոն, սպանում կառավարչին ու նրա աշխատողներին, ապա Բոյկային տանում է Գագայի մոտ։ Գագան Յուրիին տալիս է իր հասանելիք գումարը, ընկերները իրար հրաժեշտ են տալիս, և Բոյկան գնում է քաղաք։
Դերակատարներ խմբագրել
- Սկոտ Էդկինս — Յուրի Բոյկա
- Մայքլ Շենոն Ջենկինս — Ջերիկո «Տուրբո» Ջոնս
- Մարկո Սարոր — Ռաուլ «Դոլոր» Կինոնես
- Վալենտին Գանև — Մարկով
- Մարկ Իվանիր — Գագա
- Իլրան Չոի — հյուսիսկորեացի մարտիկ
- Լատիֆ Կրոուդեր — Անդրագո Սիլվա
Մրցանակներ խմբագրել
2010 թվականին ActionFest մրցանակաբաշխությանը ֆիմը արժանանում է երկու մրցանակների՝ «լավագույն ռեժիսորական աշխատանք» և «մարտերի լավագույն բեմադրում» կատեգորիաներում[3]։
Ծանոթագրություններ խմբագրել
- ↑ http://movies.livemall.co/movie/Undisputed-III-Redemption/1021309
- ↑ ČSFD (չեխերեն) — 2001.
- ↑ Список премий Արխիվացված 2019-07-12 Wayback Machine на официальном сайте (անգլ.)