Աննա Կոլեսարովա

Աննա Կոլեսարովա; սլովակ.՝ Anna Kolesárová
Ծնվել է	հուլիսի 14, 1928
Ծննդավայր	Vysoká nad Uhom, Michalovce District, Կոշիցկի երկրամաս, Սլովակիա
Մահացել է	նոյեմբերի 22, 1944 (16 տարեկան)
Մահվան վայր	Vysoká nad Uhom, Michalovce District, Կոշիցկի երկրամաս, Սլովակիա
Քաղաքացիություն	Չեխոսլովակիա
Կրոն	Հռոմի Կաթոլիկ եկեղեցի
	Anna Kolesárová Վիքիպահեստում

Աննա Կոլեսարովա (սլովակ.՝ Anna Kolesárová, հուլիսի 14, 1928(1928-07-14)^[1]^[2], Vysoká nad Uhom, Michalovce District, Կոշիցկի երկրամաս, Սլովակիա - նոյեմբերի 22, 1944(1944-11-22)^[1]^[2], Vysoká nad Uhom, Michalovce District, Կոշիցկի երկրամաս, Սլովակիա), Սլովակիայի կաթոլիկ երանելի, տասնվեցամյա աղջիկ, որը հայտնի է դարձել նրանով, որ իր կյանքը զոհել է հանուն անարատության պահպանման^[3]^[4]։

Կենսագրություն խմբագրել

Ծագում և դաստիարակություն խմբագրել

Աննա Կոլեսարովան ծնվել է Սլովակիայի արևելքում գտնվող Վիսոկա նադ Ուգոմ գյուղում՝ ներկայիս Ուկրաինայի սահմանից ոչ հեռու։ Հայրը եղել է Յան Կոլեսարը (սլովակ.՝ Ján Kolesár), մայրը՝ Աննա Կուշնիրովան (սլովակ.՝ Anka Kušnírová):

Տանը աղջիկն ստացել է լավ դաստիարակություն՝ հիմնված քրիստոնեական ուսմունքի վրա։ Հաճախ մասնակցել է Սուրբ Պատարագին և սկսել է սուրբ արարողությունները այն բանից հետո, երբ 1938 թվականին ընդունել է առաջին Սուրբ Հաղորդությունը և ստացել է Դրոշմ։ Երբ Աննան դարձել է 13 տարեկան, նրա կյանքը կտրուկ փոխվել է. մոր անսպասելի մահից հետո նա ստիպված է եղել զբաղվել տնային բոլոր աշխատանքներով, որտեղ ապրում էր հոր և ավագ եղբոր հետ^[5]։

Նահատակություն խմբագրել

Երկրորդ համաշխարհային պատերազմի ժամանակ՝ 1944 թվականի նոյեմբերին, ռազմաճակատի գիծն արդեն շարժվում էր դեպի արևմուտք։ Կարմիր բանակը մտել է գյուղ՝ վերացնելով գերմանական օկուպացիան։ 1944 թվականի նոյեմբերի 22-ի երեկոյան ռազմական գործողություններ են սկսվել գյուղի մոտակայքում, և Աննան ու նրա հարազատները թաքնվել են խոհանոցի նկուղում։ Սակայն տուն ներխուժած կարմիրբանակային զինվորը հայտնաբերել է նրանց թաքստոցը^[6]։

Հայրն իր տասնվեց տարեկան դստերը հանձնարարել է զինվորի համար ուտելու ինչ-որ բան պատրաստել՝ հուսալով, որ նրան կխաղաղեցնի^[7]։ Բայց չնայած նրան, որ աղջիկը հագել էր համեստ սև զգեստ (ըստ ընդհանուր պայմանավորվածության՝ գյուղի կանայք սկսել են հագնվել հենց այդպես, որպեսզի զինվորների ուշադրությունը չգրավեն), զինվորն սկսել է բռնություն կիրառել նրա նկատմամբ։ Աննան վճռականորեն պաշտպանել է իր անմեղությունը^[8]։ Կարմիրբանակային զայրացած զինվորը հրամայել է նրան հրաժեշտ տալ իր հորն ու եղբորը, և այն բանից հետո, երբ նա ասել է. «Հիսուս, Մարիամ, Հովսեփ, ես ձեզ եմ նվիրում իմ հոգին...», նա երկու անգամ կրակել է աղջկա վրա։

Hostia sanctae castitatis խմբագրել

Աղջկան անմիջապես հուղարկավորել են, բայց լիարժեք հուղարկավորության ծառայություն մատուցելու հնարավորությունը հայտնվել է միայն մեկ շաբաթ անց։ Միևնույն ժամանակ, ավագերեցը շեշտել է, որ Աննան մահացել է Աստծո շնորհի մեջ, քանի որ մահվանից անմիջապես առաջ գնացել է եկեղեցի՝ խոստովանելու և հաղորդություն ստանալու։ Մահացածների ծխական գրանցամատյանում որպես նրա մահվան պատճառը նա նշել է՝ «Hostia sanctae castitatis» (սուրբ անմեղության զոհ)։

Քահանան, աղջկան ճանաչող մեկ այլ քահանայի հետ միասին սկսել է հետաքննել նրա մահվան հանգամանքները՝ հավաքելով գրավոր վկայություններ, որոնք հետագայում կարևոր դեր են խաղացել այս իրադարձությունների հիշողությունը պահպանելու գործում։ Այն ժամանակվա Չեխոսլովակիայում, խորհրդայնամետ կոմունիստական ռեժիմի տապալումից հետո է միայն հնարավոր դարձել բացահայտ խոսել Աննա Կոլեսարովայի և նրա հերոսական մահվան մասին, և նրա գերեզմանը դարձել է երիտասարդների ուխտագնացությունների վայր։

Սրբադասում խմբագրել

Աննա Կոլեսարովայի սրբադասման գործընթացն սկսվել է 2004 թվականի հուլիսի 3-ին։ 2018 թվականի մարտի 6-ին Հռոմի պապ Ֆրանցիսկոսը ստորագրել է նրա նահատակության հրամանագիրը։ Սրբադասման արարողությունը տեղի է ունեցել 2018 թվականի սեպտեմբերի 1-ին Կոշիցեում։ Արարողությունը վարել է կարդինալ Ջովաննի Անջելո Բեչունն՝ սրբերի հարցերով միաբանության պրեֆեկտը։

Ծանոթագրություններ խմբագրել

↑ ^1,0 ^1,1 ^1,2 ^1,3 ^1,4 GCatholic.org — 1997.
↑ ^2,0 ^2,1 ^2,2 ^2,3 ^2,4 Schäfer J. Ökumenisches Heiligenlexikon — 1998.
↑ http://catholicsaints.info/venerable-anna-kolesarova/
↑ http://www.santiebeati.it/dettaglio/95791
↑ https://spectator.sme.sk/c/20776109/young-slovak-martyr-will-be-beatified.html
↑ https://annakolesarova.sk/en/
↑ «Արխիվացված պատճենը». Արխիվացված է օրիգինալից 2019 թ․ մայիսի 6-ին. Վերցված է 2020 թ․ նոյեմբերի 12-ին.
↑ https://www.thetablet.co.uk/news/8720/murdered-slovak-peasant-girl-to-be-declared-blessed-

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Աննա Կոլեսարովա» հոդվածին։

[_f4766a6d1810b3a7-1] 1,0 ^1,1 ^1,2 ^1,3 ^1,4 GCatholic.org — 1997.

[_f8977c1adb80fb25-2] 2,0 ^2,1 ^2,2 ^2,3 ^2,4 Schäfer J. Ökumenisches Heiligenlexikon — 1998.

[3] ttp://catholicsaints.info/venerable-anna-kolesarova/

[4] ttp://www.santiebeati.it/dettaglio/95791

[5] ttps://spectator.sme.sk/c/20776109/young-slovak-martyr-will-be-beatified.html

[6] ttps://annakolesarova.sk/en/

[7] «Արխիվացված պատճենը». Արխիվացված է օրիգինալից 2019 թ․ մայիսի 6-ին. Վերցված է 2020 թ․ նոյեմբերի 12-ին.

[8] ttps://www.thetablet.co.uk/news/8720/murdered-slovak-peasant-girl-to-be-declared-blessed-

[1]

[2]

[3]

[4]

[5]

[6]

[7]

[8]

Աննա Կոլեսարովա սլովակ.՝ Anna Kolesárová

Ծնվել է	հուլիսի 14, 1928(1928-07-14)^[1]^[2]
Ծննդավայր	Vysoká nad Uhom, Michalovce District, Կոշիցկի երկրամաս, Սլովակիա
Մահացել է	նոյեմբերի 22, 1944(1944-11-22)^[1]^[2] (16 տարեկան)
Մահվան վայր	Vysoká nad Uhom, Michalovce District, Կոշիցկի երկրամաս, Սլովակիա
Քաղաքացիություն	Չեխոսլովակիա
Կրոն	Հռոմի Կաթոլիկ եկեղեցի
Anna Kolesárová Վիքիպահեստում