Անի Եղիազարյան

Վիքիպեդիայում կան հոդվածներ Եղիազարյան ազգանունով այլ մարդկանց մասին։

Անի Տիգրանի Եղիազարյան (մայիսի 14, 1985(1985-05-14), Վաղաշեն, Մարտունու շրջան, Հայկական ԽՍՀ, ԽՍՀՄ), բանասիրական գիտությունների թեկնածու, թումանյանագետ, Հովհաննես Թումանյանի թանգարանի նախկին տնօրեն։

Անի Եղիազարյան
Ծնվել է	մայիսի 14, 1985(1985-05-14) (38 տարեկան) Վաղաշեն, Մարտունու շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	գրականագետ
Հաստատություն(ներ)	Հովհաննես Թումանյանի թանգարան
Պաշտոն(ներ)	տնօրեն
Ալմա մատեր	ԵՊՀ հայ բանասիրության ֆակուլտետ (2010) և ՀՀ ԳԱԱ գրականության ինստիտուտ

Կրթություն

Անի Եղիազարյանը ծնվել է 1985 թվականի մայիսի 14-ին Մարտունու շրջանի Վաղաշեն գյուղում։ 2004-2008 թվականներին սովորել է Երևանի պետական համալսարան հայ բանասիրության ֆակուլտետում՝ ստանալով բանասիրության, մանկավարժության բակալավրի աստիճան հայոց լեզու և գրականություն մասնագիտությամբ։ Դիպլոմային աշխատանքի թեման եղել է «Հեթանոսական և քրիստոնեական հավատալիքների միաձուլումը «Սասնա ծռեր» էպոսում»։ 2008-2010 թվականներին սովորել է ԵՊՀ հայ բանասիրության ֆակուլտետում՝ ստանալով բանասիրության մագիստրոսի աստիճան հայոց լեզու և գրականություն մասնագիտությամբ։ Մագիստրոսական աշխատանքի թեման եղել է՝ «Երկվորյակ և զույգ կերպարների դիցաբանական դրսևորումները «Սասնա ծռեր» էպոսում»։ Ուսումը շարունակել է Գիտությունների ազգային ակադեմիայում՝ 2011-2014 թվականներին սովորելով ՀՀ ԳԱԱ Մանուկ Աբեղյանի անվան գրականության ինստիտուտում՝ որպես հայցորդ։ Թեկնածուական ատենախոսության թեման եղել է՝ «Հովհ. Թումանյանը և Արևելքը»։ Դիպլոմավորված մասնագետ է՝ բանասիրական գիտությունների թեկնածու, թումանյանագետ։

Աշխատանքային գործունեություն

2009-2010 թվականներին աշխատել է Հովհ. Թումանյանի թանգարանում՝ որպես կրտսեր գիտաշխատող, 2011-2016 թվականներին՝ որպես ավագ գիտաշխատող, 2017-2019 թվականներին նույն տեղում՝ որպես գիտական գծով փոխտնօրեն։ 2019 թվականի հունվարից մինչ օրս Հովհ. Թումանյանի թանգարանի տնօրենն է։

Կարդացել է մի շարք դասախոսություններ, մասնակցել տեղական և միջազգային գիտաժողովների, կազմակերպել մրցույթ-փառատոններ, ցուցահանդեսներ, կրթական խաղեր։

2012-2014 թվականներին եղել է Հանրապետական առարկայական օլիմպիադայի հայ գրականության հանրապետական փուլի հանձնաժողովի անդամ և հարցաշարի կազմող։ 2017 թվականին մասնակցել է Հանրային հեռուստաընկերության հետ համագործակցության արդյունքում ստեղծված հայ մեծերի մասին 16 փաստավավերագրական ֆիլմի սցենարային աշխատանքներին, եղել գրական խորհրդատու։

Երկու տասնյակից ավելի գիտական հոդվածների հեղինակ է։

Գիտական գործունեություն

Գրքեր 

1. «Հովհ. Թումանյան և իշխանուհի Մարիամ. նամականի» (Երևան, 2010, Զանգակ-97, 174 էջ)
2. «Հովհ. Թումանյան. Մտքեր» (Երևան, 2011, Զանգակ-97, 584 էջ)
3. «Հայկական հարցն ու իր լուծումը՝ ըստ Հովհ. Թումանյանի» (Երևան, 2015)
4. «Աշխեն Թումանյան. հուշեր և ընտանեկան պատմություններ» (Երևան, 2011, Մուղնի, 407 էջ)
5. «Երիտասարդ գրականագետների հանրապետական գիտաժողովի նյութեր» գիտական ժողովածու (Երևան, 2013, Ապագա, 277 էջ)
6. «Արտավազդ Թումանյան. Նամականի» (Երևան, 2013, Մուղնի, 271 էջ)
7. «Արտավազդ Թումանյան. Ստեղծագործություններ» (Երևան, 2014)
8. «Հովհ. Թումանյան. 1869-1923» կենսագրական ալբոմ (Երևան, 2014, Զանգակ հրատ., 480 էջ)՝ կազմման և խմբագրման աշխատանքներ
9. «Հովհ. Թումանյան. Մտքեր» խմբագիր (Երևան, 2015)
10. «Հովհաննես Թումանյան. պատկերազարդ ալբոմ» (Երևան, 2016)
11. «Հովհ. Թումանյան.Քառյակներ» խմբագիր (Երևան, 2018)։
12. Հովհ. Թումանյան. Երկերի լիակատար ժողովածու, հ.1-3 վերախմբագրված հրատարակություն, (Երևան, 2018, 640 էջ, 2018, 686 էջ, 2019, 584 էջ)

Հոդվածներ 

1. Հովհ. Թումանյանի բժշկական հետաքրքրասիրությունները
2. Երկնային մարմինների կերպավորումները Թումանյանի վաղ շրջանի բանաստեղծություններում
3. Ինչու Թումանյանը սկսեց քառյակներ գրել
4. «Հովհ. Թումանյանը Խաքանիի քառյակների թարգմանիչ», «Երիտասարդ գրականագետների հանրապետական գիտաժողով նյութեր», Երևան, 2013, էջ 5-14,
5. «Լուսաբեր» դասագրքի ստեղծման պատմությունը, «Հասկեր», թիվ 3, Երևան, 2013, էջ 72-81,
6. «Լեզուն կտրած ծիտիկը» ճապոնական հեքիաթի թումանյանական թարգմանությունը, «Ոսկե դիվան», պր. 4, Երևան, 2014, էջ 45-59,
7. «Հովհ. Թումանյան, Բանտի օրագիր», “Ազգ” օրաթերթ, 2018, փետրվար 2
8. «Թումանյանի հետաքրքրությունները Արևելքի մշակույթի նկատմամբ», Ազգ օրաթերթ -մշակույթ, մարտ 27
9. «Արևելյան հեքիաթի մշակումը և թարգմանության-փոխադրության թումանյանական սկզբունքները», «Հյուսիսափայլ» տարեգիրք, 2018թ.
10. «Հովհ. Թումանյանի կրթամշակութային ծրագրերը Առաջին հանրապետության ձևավորման նախաշեմին», Հայաստանի առաջին հանրապետության -100, գիտաժողովի նյութերի ժողովածու, «Համազգային Հայ Կրթական եւ Մշակութային Միութիւն», 2018
11. «Հովհ. Թումանյանը Երևանում», Երևան-2800, գիտաժողովի նյութերի ժողովածու, «Երևան քաղաքի պատմության թանգարան», 2018

Արտաքին հղումներ

• Առավոտ լուսո հարցազրույց. Անի Եղիազարյան
• Հայտնաբերվել են Թումանյանի անտիպները և պատրաստ են հրապարակման. Անի Եղիազարյան
• Թանգարանը հրատարակել է Հովհ. Թումանյանի զավակների արխիվները. Անի Եղիազարյան
• Առավոտ լուսո հարցազրույց. Անի Եղիազարյան
• Թանգարանային կյանքը պանդեմիայի օրերին. Անի Եղիազարյան