Անժելա Երիբեկյան
Անժելա Արամի Երիբեկյան (1922, Ախալցխա, Ախալցխայի գավառ, Թիֆլիսի նահանգ - դեկտեմբերի 29, 1947), հայ բժիշկ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
 | |
|---|---|
| Ծնվել է | 1922 |
| Ծննդավայր | Ախալցխա |
| Մահացել է | 1947, դեկտեմբերի 29 |
| Ազգություն | հայ |
| Կրթություն | Երևանի Մխիթար Հերացու անվան Պետական Բժշկական Համալսարան (1943) |
| Մասնագիտություն | բժիշկ |
Կենսագրություն խմբագրել
Ծնվել է ծառայողի ընտանիքում։ 1939 թվականին ավարտվել է Շահումյան գյուղի (Վրաստան) միջնակարգ դպրոցը և նույն թվականին ընդունվել Երևանի բժշկական ինստիտուտը։ 1943 թվականին ավարտել է ինստիտուտը և մեկնել բանակը. նախ՝ Թբիլիսի, որտեղ չորսուկես ամիս սովորում է բուժանձնակազմի որակավորման դասընթացներում։ 1943 թվականի դեկտեմբերին նրան տրվում է բժշկական ծառայության ավագ լեյտենանտի կոչում։
1944 թվականի մայիսին մեկնել է ռազմաճակատ։ Մինչև հուլիսի 2-ը Ուկրաինական ռազմաճակատի № 743 վիրաբուժական դաշտային շարժական հոսպիտալում եղել է օրդինատոր։ Այնուհետև նշանակվել է 15-րդ բուժուժեղացված վաշտի բժիշկ։
1945 թվականի փետրվարին հիվանդության պատճառով ազատվել է զինվորական ծառայությունից։ Երկար ժամանակ փորձել է բուժվել սանատորիաներում[1]։
Ծանոթագրություններ խմբագրել
- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 79։