Ամերիկյան ավտոմոբիլային թանգարան

Ամերիկյան ավտոմոբիլային թանգարան(անգլ.՝ LeMay - America's Car Museum), թանգարան Տակոմա քաղաքում, Վաշինգտոն։ Թանգարանը հարակից է Տակոմա գմբեթին և բացվել է 2012 թվականի հունիսի 2-ին[1]։ Այստեղ ցուցադրված մեքենաներից շատերը թանգարանին է նվիրել Հարոլդ Լեմեյի ընտանիքը։

Ամերիկյան ավտոմոբիլային թանգարան
LeMay Museum (Tacoma, Washington).JPG
Տեսակավտոմոբիլային թանգարաններ և թանգարանի շենք
ԵրկիրFlag of the United States.svg ԱՄՆ
ՏեղագրությունՎաշինգտոն
ՎայրՏակոմա
Հիմնադրված էհունիսի 2, 2012
Այցելուներ400 000 մարդ
Կայքlemaymuseum.org(անգլ.)

ՄանրամասներըԽմբագրել

 
Ամերիկյան Ավտոմոբիլային Թանգարանի մուտքը

Հարոլդ Լեմեյը «Հարոլդ Լեմեյի ձեռնարկություն» կազմակերպության սեփականատերն է և հավաքել է մասնավոր ավտոմեքենաների՝ աշխարհում ամենամեծ հավաքածուն[2]։ Նրա մահից հետո Տակոմա քաղաքը նվիրաբերեց 10 ակր հողատարածք Տակոմա գմբեթի կողքին գտնվող այն թանգարանին, որը պարունակում էր իր մեքենաներից որոշ հավաքածու։ Հավաքածուի մեծ մասը մնացել է Լեմեյի ընտանեկան հավաքածուի մեջ, որը գտնվում է Մարիմաունթում՝ Սպանաուեյ քաղաքի մոտակայքում։ Թանգարանն ունի 165,000 քառակուսի մետր ցուցահանդեսային տարածք[3] և պարունակում է 350 մեքենաների պատկերասրահ, որտեղ պատկերված են այն ավտոմեքենաները, որոնք աչքի են ընկնում իրենց արագությամբ, տեխնոլոգիայով և դիզայնով, ինչպես նաև դրանք շատ կարևոր դեր ունեն ավտոմեքենաների մշակույթում։ Շենքում կան նաև հուշանվերների խանութներ, արհեստանոցներ, դասախոսությունների սրահներ, պատկերասրահներ, հանդիսությունների սրահներ և սրճարաններ, որոնք ղեկավարում է Նակկարատո Ռեստորանային խումբը ՝ Գորդոն Նակկարատոյի գլխավորությամբ[4]։

 
Ամերիկյան Ավտոմոբիլային Թանգարանի գլխավոր հարկը

Երկրորդ հարկից, հիմնական հարկից և բակից տեսարան է բացվում դեպի քաղաքի կենտրոն Տակոմա, Կոմմենսեմենտ ծովածոց և Օլիմպիական լեռներ։ Թանգարանի սահմաններից դուրս կա 3 հեկտար բակ և ակումբի շենք՝ նախատեսված ավտոմեքենաների ակումբների համար։ Բացօթյա տարածքը հարմար է ավտոմոբիլային ցուցահանդեսների, աճուրդների, փոխանակման հանդիպումների, ավտոակումբի միջոցառումների և նոր ավտոմեքենաների փորձարկման համար[5]։

Թանգարանն ունեցել է «Club Auto» արբանյակային վայրեր Տակոմայում, Քըրքլանդում, Վաշինգտոնում և Լակեվուդում, Կոլորադո[6]։

ՀովանավորներԽմբագրել

Թանգարանի ենթադրյալ արժեքը կազմում է 100 մլն դոլար։ Թանգարանին 15 միլիոն դոլար նվիրաբերեց Հարոլդ Լեմեյի կինը՝ Նենսի Լեմեյը։ Տակոմա քաղաքի կողմից թանգարանին նվիրաբերված հողը գնահատվում է 17 միլիոն դոլար[2]։

Վաշինգտոնի Ամերիկյան Ավտոմոբիլային Ասոցիացիան (ԱԱԱ) այսօրվա դրությամբ կատարել է ամենախոշոր կորպորատիվ նվիրատվությունը իր 2008 թվականի պարտավորությամբ ՝ 1,6 մլն դոլարի չափով[7]։ Թանգարանի մյուս խոշոր հովանավորներն են ՝ Բոնհամսը, Boeing-ը, Նյուզ Թրիբունը և պետական ֆերմերային ապահովագրությունը։ Այլ հովանավորներ են նաև հանդիսանում տարբեր ավտոակումբներ և քաղաքացիներ ամբողջ աշխարհում։

Թանգարանի ճարտարապետը Լոս Անջելեսի «LARGE architecture» ընկերությունն է։ Սիթլի JTM կազմակերպությունը եղել է թանգարանի գլխավոր կապալառուն[փա՞ստ]։

ԾանոթագրություններԽմբագրել

  1. Jonathan Schultz (June 4, 2012), «After a Decade of Planning, LeMay Museum Opens», The New York Times (wheels blog), http://wheels.blogs.nytimes.com/2012/06/04/after-a-decade-of-planning-lemay-museum-opens/ 
  2. 2,0 2,1 Nicole Brodeur (May 27, 2012), «Tacoma's LeMay car museum honors the American automobile», Seattle Times, http://seattletimes.nwsource.com/html/travel/2018270964_trlemay27.html 
  3. Alan Rider (May 25, 2012), «A Car Hoard, Pruned to a Collection, Gets a Fitting Home», The New York Times, https://www.nytimes.com/2012/05/27/automobiles/collectibles/a-car-hoard-pruned-to-a-collection-gets-a-home.html, վերցված է 2012-06-13 
  4. «Classics cafe now open at LeMay Museum», The News Tribune (Tacoma, Washington), June 6, 2012, արխիվացված օրիգինալից June 12, 2015-ին, https://web.archive.org/web/20150612013721/http://blog.thenewstribune.com/tntdiner/2012/06/06/classics-cafe-now-open-at-lemay-museum/, վերցված է June 11, 2015 
  5. Berthon David (February 5, 2013)։ «Museum honours America's love affair with the car»։ Drive.com.au (Fairfax Media)։ Արխիվացված է օրիգինալից October 6, 2014-ին։ Վերցված է September 30, 2014 
  6. Club Auto, LeMay Museum, արխիվացված օրիգինալից April 16, 2008-ին, https://web.archive.org/web/20080416155657/http://www.lemaymuseum.org/page.php?id=130, վերցված է March 13, 2012 
  7. LeMay Lands AAA Donation(չաշխատող հղում) Business Examiner (2008-09-08). Retrieved on 2009-01-22.

Արտաքին հղումներԽմբագրել