Ալբերտ Ալեքսանդրի Հայրապետյան (դեկտեմբերի 25, 1926(1926-12-25), Թավրիզ, Իրան - փետրվարի 7, 1998(1998-02-07), Երևան, Հայաստան), հայ նյարդաֆիզիոլոգ։ Կենսաբանական գիտությունների դոկտոր (1983)։

Ալբերտ Ալեքսանդրի Հայրապետյան
Ծնվել է(ԱԱՀ մինչ ԽՍՀՄ տեղափոխվելը` Ալբերտ Ալեքսանդրի Սավադ-Հայրապետյան)
Դեկտեմբերի 26, 1926 թվական
Թավրիզ, Իրան
Մահացել էՓետրվարի 7, 1998 թվական
Երևան, Հայաստան
ՔաղաքացիությունԻրան, ԽՍՀՄ, ՀՀ
ԱզգությունՀայ
ՄասնագիտությունՆյարդաֆիզիոլոգիա
Ալմա մատերԵրևանի Մխիթար Հերացու անվան Պետական Բժշկական Համալսարան
Գիտական աստիճանկենսաբանական գիտությունների դոկտոր (1983)

Կենսագրություն խմբագրել

Ալբերտ Հայրապետյանը ծնվել է 1926 թվականին Թավրիզում։ 1951 թվականին ավարտել է Երևանի բժշկական ինստիտուտը։ 1958-1998 թվականներին աշխատել է ՀՀ ԳԱԱ Լևոն Օրբելու անվան ֆիզիոլոգիայի ինստիտուտում, 1961-1964 թվականներին՝ գիտական քարտուղար, 1973-1998 թվականներին՝ գլխուղեղի ենթակեղևային կառուցվածքների էվոլյուցիայի լաբորատորիայի վարիչ։ Աշխատանքները վերաբերում են շարժողական վերլուծիչի, ներքին արգելակման նուրբ տեղակայման ֆիզիոլոգիայի հարցերին, ինչպես նաև տեսողական բուրգի առբերիչ ու արտատար գործունեության նեյրոնային մեխանիզմներին։ 1992 թվականից նշված լաբորատորիայում զբաղվում են մարդկանց միա- և երկլեզվային խոսքային գրգռիչների պայմաններում սովորեցման և հիշողության հոգեֆիզիոլոգիական հետազոտություններով։ Ուղեղի ուսումնասիրության միջազգային կազմակերպության անդամ (1981)։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։