Ալբերտ Իսաջանյան
հայ արձակագիր, բանաստեղծ
Ալբերտ Օգսենի Իսաջանյան (նոյեմբերի 2, 1937, Հալիձոր, Գորիսի շրջան, Հայկական ԽՍՀ, ԽՍՀՄ - ապրիլի 29, 1983, Գորիս, Հայկական ԽՍՀ, ԽՍՀՄ), հայ բանաստեղծ, արձակագիր, ԽՍՀՄ գրողների միության անդամ 1973 թվականից։
Ալբերտ Իսաջանյան | |
---|---|
Ծնվել է | 1937 նոյեմբերի 2 |
Ծննդավայր | Հալիձոր, Գորիսի շրջան, Հայկական ԽՍՀ, ԽՍՀՄ |
Վախճանվել է | ապրիլի 29, 1983 | (տարիքը 45)
Վախճանի վայր | Հայաստան, Գորիս |
Մասնագիտություն | արձակագիր և բանաստեղծ |
Լեզու | Հայերեն |
Ազգություն | Հայ |
Քաղաքացիություն | ԽՍՀՄ |
Կրթություն | Քարահունջի միջնակարգ դպրոց |
Անդամակցություն | ԽՍՀՄ Գրողների միություն |
Կենսագրություն խմբագրել
Ծնվել է Գորիսի շրջանի Հալիձոր գյուղում։ 9-րդ դասարանում սովորելու ժամանակ, 16 տարեկանում, բարձրացել է էլեկտրասյունը, որպեսզի վառի հարևան տան լույսը, ընկել է, ոտքերը ջարդվել են և դարձել է հաշմանդամ ու գամվել անկողնուն։ 1960 թվականին ավարտել է (էքստեռն) Գորիսի շրջանի Քարահունջ գյուղի միջնակարգ դպրոցը։ Առաջին անգամ տպագրվել է «Ավանգարդ» թերթում։ Մահացել է Գորիս քաղաքում, թաղվել է Քարահունջում[1]։
Ա. Իսաջանյանի երկերի մատենագրություն խմբագրել
- Ծաղկե կամուրջ (բանաստեղծությունների ժողովածու), Երևան, «Հայաստան», 1965, 66 էջ։
- Ոչ, հայրիկ, ես մեծ բան եմ կորցրել (վիպակ), Երևան, «Հայաստան», 1971, 130 էջ։
- Ծաղիկ իմ հեռավոր (բանաստեղծությունների ժողովածու), Երևան, «Սովետական գրող», 1977, 60 էջ։
Ծանոթագրություններ խմբագրել
- ↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ 212.