Ազոներկանյութեր, մոլեկուլում մեկ կամ մի քանի ազոխումբ (-N=N-) պարունակող օրգանական ներկերը ազոմիացություններն են։ Լինում են ամենատարբեր գույների և երանգների (դեղին, կարմիր, կապույտ նաև սև)։ Գույնը, լուծելիությունը և գործվածքաթելերի հետ փոխազդելու բնույթը կախված են նրանց մոլեկուլի կառուցվածքից։ Ազոներկանյութերը թթվային, հիմնային, ուղղակի, արծնիչային, պիգմենտներ լաքեր են։ Ստացվում են դիազոմիացաթյանների ազոհամակցումով։ Էժանության և օգտագործման պարզության պատճառով շատ տարածված են (օրինակ թթվային նարնջագույնը, խրիզոիդինը, կոնգո կարմիրը, ճարպային նարնջագույնը, մեթիլօրանժը ևս)։ Կիրառվում են գործվածքաթելեր, կաշի, թուղթ և որոշ պլաստմասսաներ ներկելու համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 123 CC-BY-SA-icon-80x15.png