Ադամ Ջոն Մորիսոն (անգլ.՝ Adam John Morrison, հուլիսի 19, 1984(1984-07-19), Glendive, Մոնտանա), ամերիկացի նախկին բասկետբոլիստ։ Մասնագիտական կարիերայի ընթացքում հանդես է եկել Բասկետբոլի ազգային ասոցիացիայի (NBA) «Շառլոթ Բոբքեթս», «Լոս Անջելես Լեյքերս», ինչպես նաև՝ Սերբիայի բասկետբոլի բարձրագույն առաջնության «Կարմիր աստղ Բելգրադ» և Թուրքիայի սուպեր լիգայի «Բեշիկթաշ» ակումբներում, որպես թեթև հարձակվող։

Ադամ Մորիսոն
Adam Morrison

Դիրքը Թեթև հարձակվող
Համար № 35, 6, 33
Ի ծնե տրված անունը Ադամ Ջոն Մորիսոն
Adam John Morrison
Ծննդյան ամսաթիվ հուլիսի 19, 1984 (39 տարեկան)
Ծննդավայր Ամերիկայի Միացյալ Նահանգներ Գլենդայվ, Մոնտանա, ԱՄՆ
Ազգություն Ամերիկայի Միացյալ Նահանգներ Ամերիկացի
Հասակ 2,03 մ
Քաշ 93 կգ
Դպրոց Միդի ավագ դպրոց (Սպոքեյն, Վաշինգտոն)
համալսարան Գոնզագա (2003–2006)
Դրաֆթի տարի 2006 / ռաունդ՝ 1 / ընտր.՝ 3-րդ
Դրաֆթ ակումբ Շառլոթ Բոբքեթս
Կարիերայի պատմություն
Ամերիկայի Միացյալ ՆահանգներՇառլոթ Բոբքեթս (2006–2009)
Ամերիկայի Միացյալ ՆահանգներԼոս Անջելես Լեյքերս (2009–2010)
ՍերբիաՑռվենա Զվեզդա (2011)
ԹուրքիաԲեշիկթաշ (2012)
Մրցանակներ

  • NBA չեմպիոն (2009, 2010)
  • NBA All-Rookie երկրորդ թիմ (2007)
  • Կոնսենսուս All-American երկրորդ թիմ (2006)
  • NCAA I դիվիզիայի առաջատար միավորների կատեգորիայում (2006)
  • Օսկար Ռոբերթսոնի գավաթ (2006)
  • NABC տարվա համաբասկետբոլիստ (2006)
  • WCC տարվա բասկետբոլիստ (2006)
  • Թուրքիայի գավաթակիր (2012)
Մեդալներ

ՖԻԲԱ Ամերիկայի Մ-20 առաջնություն
 Ոսկի - Հալիֆաքս 2004

Դպրոցական կարիերան Մորիսոնն անցկացրել է Սպոքեյնի (Վաշինգտոն նահանգ) «Միդ» ավագ դպրոցում։ Չնայած 1-ին տիպի շաքարային դիաբետի առկայությանը, ունեցել է հաջող դպրոցական կարիերա՝ ավարտական տարում դառնալով բազմաթիվ միավորային ռեկորդների հեղինակ և դպրոցական թիմի կազմում հասնելով մինչև նահանգի եզրափակիչ։

Ուսանողական առաջնության շրջանակներում, 2003-2006 թվականներին ներկայացրել է Գոնզագայի համալսարանը։ 2005–06 մշրցաշրջանի դրությամբ որակավորվել է որպես «լավագույն համալսարանայի բասկետբոլիստ»։

Ընտրվել է NBA-ի 2006 թվականի դրաֆթի առաջին ռաունդի 3-րդ ընտրությամբ՝ «Շառլոթ Բոբքեթսի» կողմից։ Մորիսոնի ընտրությունն ակումբի նախագահ Մայքլ Ջորդանի որոշումն էր։ Այնուամենայնիվ Մորիսոնը չի կարողանում արդարացնել սպասելիքները և բարձր խաղ ցուցաբերել մասնագիտական մակարդակում։ Մեկնարկային մրցաշրջանում ունեցել է ընդամենը 37 % նետման արդյունավետություն։ Ձախ ծնկի վնասվածքի պատճառով 2009 թվականին Մորիսոնը փոխանակման արդյունքում տեղ է գտել «Լոս Անջելես Լեյքերսում»։

«Լեյքերսի» կազմում 2009 և 2010 թվականներին հաղթել է NBA-ի առաջնությունը՝ չնայած փլեյ-օֆֆերի ժամանակ ունենալով խիստ սահմանափակ խաղաժամանակ։

Արտաքին հղումներ խմբագրել