Աբգար Դանիելյան
Աբգար Սարգսի (Սիրեկանի) Դանիելյան (ծնված 15 մայիսի, 1918, գյուղ Կոճողոտ (ԼՂ Մարտակերտի շրջանում - 9 ապրիլի 2002, քաղաք Ստեփանակերտ), հայ արձակագիր, դրամատուրգ, հրապարակախոս, լրագրող։ ԽՍՀՄ (1963) և ԼՂԻՄ (1989) ժուռնալիստների միությունների անդամ։
Աբգար Դանիելյան | |
|---|---|
| Ծնվել է | մայիսի 15, 1918 |
| Ծննդավայր | Կոճողոտ |
| Վախճանվել է | ապրիլի 9, 2002 (83 տարեկան) |
| Վախճանի վայր | Ստեփանակերտ |
| Գերեզման | Ստեփանակերտ |
| Մասնագիտություն | արձակագիր, դրամատուրգ, հրապարակախոս և լրագրող |
| Քաղաքացիություն |  Արցախ |
| Անդամակցություն | ԽՍՀՄ ժուռնալիստների միություն |
Կենսագրություն խմբագրել
Ստեփանակերտի բժշկական տեխնիկումում ուսմանը զուգահեռ աշխատել է «Երիտասարդ բոլշևիկ» թերթում (1939)։ Մասնակցել է Խորհրդա-ֆիննական (1939) և Երկրորդ համաշխարհային պատերազմներին (1942-1944), վիրավորվել է։ Ավարտել է Բաքվի կուսակցական դպրոցը (1953), Հայկական պետական հեռակա մանկավարժական ինստիտուտի պատմության բաժինը (1964)։ Խմբագրել է Մարտակերտի շրջանային «Սոցիալիզմի ուղիով» թերթը` որպես պատասխանատու խմբագիր (1950-1951), նշանակվել կուսշրջկոմի երկրորդ քարտուղար (1954-1959), տեղափոխվել է Ստեփանակերտ և աշխատել «Սովետական Ղարաբաղ» թերթի խմբագրությունում` որպես նամակների բաժնի վարիչ (1946), գրական աշխատող (1946-1950), կուսակցական կյանքի բաժնի վարիչ (1958-1966), խմբագրի տեղակալ (1966-1976), սեփական թղթակից (1979-1991), ռադիոհաղորդումների մարզային կոմիտեի նախագահ (1976-1979)։ Հեղինակ է բազմաթիվ պատմվածքների, «Գոհար» վիպակի և «Այրող պատիվ» պիեսի, որը Ստեփանակերտի պետթատրոնում բեմադրվել է 207 անգամ։ Հանգչում է Ստեփանակերտի գերեզմանատանը։
Երկեր խմբագրել
- Գրական ալմանախ (գրքի 148-149 էջերում զետեղված են Աբգար Դանիելյանի «Վերադարձ» և «Նամակը» բանաստեղծությունները), Ադրպետհրատ, Բ., 1956, 168 էջ։
- Во имя жизни (к 50-летию образования Степанакертского медучилища), Б., 1982, 68 с.
- Հարազատ օջախ (Ստեփանակերտի գյուղտեխնիկումի 70-ամյակի առթիվ), Ե., 1993, 48 էջ։
Ծանոթագրություններ խմբագրել
Գրականություն խմբագրել
- Արիս Գրիգորյան, Եվ այսպիսի ճակատագիր[1] (ակնարկ), Ստ., 1998, 64 էջ։
- Արցախցի անվանի գործիչներ։ Գիրք II (Մարտակերտի շրջան), Ստեփանակերտ, Արցախի գիտական կենտրոն, «Դիզակ պլյուս» հրատ. տպ-ն, 2021 (էջ 98)։