X-55 (ԱԹՍ)
X-55, հայկական անօդաչու թռչող սարք (ԱԹՍ), որը ներառված է Հայաստանի զինված ուժերի սպառազինության մեջ։
| X-55 անօթաչու թռչող սարք | |
|---|---|
 | |
| Տեսակ | Հետախուզական ԱԹՍ |
| Արտադրող |  |
| Առաջին թռիչք | Ապրիլ, 2014 թվական |
| Շահագործման սկիզբ | 2014 թվական |
| Շահագործողներ | ՀՀ ռազմաօդային ուժեր |
 X-55 (UAV) Վիքիպահեստում | |
Պատմություն խմբագրել
X-55 անօթաչու թռչող սարքի նախագծման աշխատանքները սկսվել են 2012 թվականին Հայաստանի ինժեներների կողմից։ ԱԹՍ-ի նախնական տարբերակը ստեղծվել է հայկական Կռունկի կառուցվածքի հիման վրա։ Ի տարբերություն Կռունկ ԱԹՍ-ի, որը նախատեսված է բացառապես ռազմական նպատակների համար՝ X-55-ը կարող է կիրառվել և՛ ռազմական, և՛ քաղաքացիական նպատակներով[1]։ Թռչող սարքի առաջին մարտական փորձարկումները տեղի են ունեցել 2014 թվականին։
X-55 ԱԹՍ-ն ներկայացվել է Հայաստանի ռազմաարդյունաբերական արտադրանքի ցուցահանդեսին 2015 թվականի մարտի 23-ին։ 2018 թվականի դրությամբ այն հանդիսանում 1 հայկական արտադրության չորս ԱԹՍ-ներից մեկը, որը ստեղծվել է երկրի ռազմաարդյունաբերության կողմից։ Մյուս երեք ԱԹՍ-ներն են՝ Կռունկը, Բազեն, Ազնիվ[2]։
X-55-ի արձակման և վայրէջքի հնարավորությունները Կռունկի համեմատ առավելություն են հաղորդում նշյալ ԱԹՍ-ին։ Կռունկի արձակման համար անհրաժեշտ է թռիչքուղի[3]։ X-55 կարող է թռիչքներ իրականացնել բարձր հարթություններում։
Ընդունված է այս մոդելը համարել քիչ տեսանելի, ինչը պակաս կարևոր չէ ռազմական նշանակությամբ օգտագործելիս։ Այն աշխատում է ներքին այրման շարժիչով, ինչը ԱԹՍ-ին դարձնում է առավել ապահով և արդյունավետ՝ համեմատ էլեկտրական շարժիչով ԱԹՍ-ների։ Տվյալ մոդելի առավելագույն թռիչքային բարձրությունը 4500 մետր է։ Այդ ցուցանիշը X-55-ին հնարավորություն է տալիս իրականացնել իր առջև դրված հետախուզական գրեթե բոլոր առաջադրանքները։ Դիտարկման և հետախուզական աշխատանքների համար X-55 սարքի վրա տեղադրված է պտուտահաստոցային տեսախցիկ, ինչը հնարավորություն է տալիս անմիջապես հեռակառավարման վահանակում ստանալ հստակ պատկերներ։
Անօդաչու թռչող սարքի թռիչքային առավելագույն հեռավորությունը 320 կմ է։ Իրանի երկարությունը 1 մետր 88 սմ է, իսկ թևերի բացվածքի երկարությունը՝ 2 մետր 62 սմ[1]։
Շահագործողներ խմբագրել
Տես նաև խմբագրել
Ծանոթագրություններ խմբագրել
- ↑ 1,0 1,1 «X-55. Технические характеристики. Фото». avia.pro. Վերցված է 2020 թ․ դեկտեմբերի 23-ին.
- ↑ «Армения продемонстрировала новый беспилотник собственного производства». Regnum.ru. Վերցված է 2018 թ․ մայիսի 24-ին.(ռուս.)
- ↑ «Армянские "дроны-камикадзе" нацелились на мировой рынок». Sputnik Армения (ռուսերեն). Վերցված է 2020 թ․ հուլիսի 6-ին.(ռուս.)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել X-55 (ԱԹՍ) կատեգորիայում։ |