ASWA համակարգ
«Ավտոապահովագրական մեկ պատուհան» համակարգ (ԱԱՄՊ համակարգ, ASWA համակարգ), չեզոք և բաց էլեկտրոնային հարթակ, որն ապահովում է տեղեկությունների խելամիտ և ապահովագրական ապահովագրական անվտանգ փոխանակում ընկերությունների միջև, ընկերությունների, վնաս գնահատողների և այլ շահագրգիռ կողմերի միջև ապահովագրական պայմանագրերի կնքման, ավտոտրանսպորտային միջոցների հատուցումների կառավարման և վնասների գնահատման գործընթացների բարելավման նպատակով։ ԱԱՄՊ համակարգը տնօրինում է Հայաստանի Հանրապետության օրենսդրության համաձայն գրանցված «Բիվաք Հայաստան» փակ բաժնետիրական ընկերությունը[1]։ Համակարգը ներդրվել է 2014 թվականի ապրիլի 14-ին։
Նկարագրություն
խմբագրելASWA-ն միացված է ապահովագրական ընկերությունների ներքին ծրագրերին, Ճանապարհային ոստիկանությանը, Կենտրոնական բանկում տեղակայված, նախկինում արդեն գրանցված ԱՊՊԱ պայմանագրերի բազային և այլ համակարգերին։ Համակարգն օգտվում է հաստատված և ճշգրտված տեղեկատվական հենքերից։ Հարթակում իրականացվում է բոլոր տվյալների հավաքագրում։ Հարթակում գործում է միանձնյա մուտքի սկզբունք․ օգտատերը, մեկ անգամ մուտք գործելով հարթակ, կարողանում է օգտվել առաջարկվող բազմաթիվ մոդուլներից[2]։
Հարթակում աշխատում է 2017 թվականի նոյեմբերի 1-ից գործող ԱՊՊԱ պայմանագրեր կնքելու մոդուլը[2]։
2019 թվականին ներդրվել է փոխհատուցումների կառավարման մոդուլ, որի շնորհիվ գործընթացն ամբողջությամբ ավտոմատացվել է՝ ավտովթարի ազդարարումից մինչև փոխհատուցում և փոխհաշվարկների կարգավորում, ինչպես նաև ստեղծվել է վնասի գնահատման շուկայական արժեքի համապետական ուղեցույց[2]։
Նույն թվականին երկարատև թղթաբանության փոխարեն ներդրվել է պատահարների գրանցման բջջային հավելվածը, որում տեղեկությունները հավաքագրվում են միայն ավտոմատ կերպով[2][3]։ Հավելվածի օգնությամբ կարելի է գրանցել մինչև 100․000 դրամ գույքային պահանջներով ավտոպատահարները[3]։
Աշխատանքի սկզբունք
խմբագրելԳրանցված օգտատերը կարող է մտնել aswa.am կայք և մուտքագրել տրանսպորտային միջոցի ու նրա սեփականատիրոջ անձնական տվյալները, ընտրել իր նախընտրած ապահովագրական ընկերությունն ու կնքել ապահովագրության պայմանագիրը։ Դրանով նա խնայում է իր ժամանակը։ Պայմանագրի առցանց կնքումը հնարավորություն է տալիս ստանալ ապահովագրավճարի 5 տոկոս զեղչ[2]։
Իրականացվող գործողություններ
խմբագրելՀամակարգն իրականացնում է հետևյալ գործողությունները․
1. ԱՊՊԱ պայմանագրեր․
- ԱՊՊԱ պայմանագրերի կնքում, պայմանագրերում փոփոխությունների իրականացում, դադարեցում
- Բոնուս-Մալուս գործակցի հաշվարկ
2. ԱՊՊԱ հատուցումների կառավարում․
- ԱՊՊԱ պատահարի գրանցում
- Պատահարի առաջացման պատճառների փորձաքննության իրականացում,
- Վնասների գնահատման փորձաքննության իրականացում,
- Հատուցման իրականցում,
- Հատուցումների գծով փոխադարձ հաշվարկների իրականացում,
- Հետադարձ պահանջի իրականացում։
ASWA համակարգը կապակցված է Ճանապարհային ոստիկանության տեղեկատվական-փնտրողական համակարգին, որի միջոցով ԱՊՊԱ պայմանագրի կնքման, պատահարի գրանցման ընթացքում ՀՀ-ում գրանցված ավտոտրանսպորտային միջոցների, դրանց սեփականատերերի և վարորդների վերաբերյալ ամբողջ անհրաժեշտ տեղեկատվությունը անմիջապես մուտքագրվում է ԱՄՄՊ համակարգ՝ կրճատելով ԱՊՊԱ պայմանագրերի կնքման և պատահարների գրանցման գործընթացի տևողությունը[4]։
Սպառողը ASWA համակարգի միջոցով կարող է իրականացնել հետևյալ հարցումները․
- Ավտոտրանսպորտային միջոցի ապահովագրություն,
- Ապահովադրի ԲՄ դաս,
- Վարորդի պատմություն,
- Հատուցման կարգավիճակ,
- Ստանալ ԱՊՊԱ վկայագրի օրինակը,
- Ստուգել ԱՄՄՊ համակարգի կողմից գեներացված փաստաթղթի թվային ստորագրությունը[5]։
Ծանոթագրություններ
խմբագրել- ↑ «Ապահովագրական միասնական հարթակ. ԱՍՎԱ». www.1lurer.am. 2019 թ․ հունվարի 30. Վերցված է 2024 թ․ մայիսի 25-ին.
- ↑ 2,0 2,1 2,2 2,3 2,4 «ԱՊՊԱ պայմանագրերի առցանց կնքում, վնասի փոխհատուցման և այլ ընթացակարգերի ավտոմատացված համակարգ. ASWA վեբ հարթակի առավելությունները». www.tert.am. Վերցված է 2024 թ․ մայիսի 25-ին.
- ↑ 3,0 3,1 «Ներդրվում է ավտոպատահարների գրանցման «ASWA» բջջային հավելվածը». finport.am (անգլերեն). Վերցված է 2024 թ․ մայիսի 25-ին.
{{cite web}}
: Text "Finport.am" ignored (օգնություն) - ↑ «ՀՀ կառավարության որոշումը ավտոտրանսպորտային միջոցների օգտագործումից բխող պատասխանատվության պարտադիր ապահովագրության համակարգի տեղեկատվական եվ հհ կառավարությանն առընթեր հհ ոստիկանության «Ճանապարհային ոստիկանություն» ծառայության տեղեկատվական-փնտրողական համակարգերի միջև տեղեկատվության փոխանակման կարգը և փոխանակվող տեղեկատվության ցանկը հաստատելու մասին». www.arlis.am. Վերցված է 2024 թ․ մայիսի 26-ին.
- ↑ «Տեղեկատվության առցանց հարցում».