Ֆիլևսկու տուն (Տագանրոգ)
Ֆիլևսկու տուն (ռուս.՝ Дом Филевского), մեկուկեսհարկանի շինություն Ռուսաստանի Ռոստովի մարզի Տագանրոգ քաղաքում։ Մշակութային ժառանգության տարածաշրջանային նշանակության օբյեկտ է (որոշում թիվ 301, 18.11.1992 թվական)։
 | |
|---|---|
 | |
| Տեսակ | տեսարժան վայր և շենք |
| Երկիր |  Ռուսաստան |
| Տեղագրություն | Տագանրոգ |
| Հիմնադրված է | 1866 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
 Արտաքին պատկերներ
| |
|---|---|
|
Տագանրոգ, Հունական փողոց, 78 |
Հասցե՝ ք. Տագանրոգ, Հունական փողոց, 78։
Պատմություն խմբագրել
Ռուսաստանի Ռոստովի մարզի Տագանրոգ քաղաքի Հունական փողոց, 78 հասցեի մեկուկեսհարկանի շենքը կառուցվել է 1866 թվականին։ Տունը կառուցվել է ատամնաբույժ Գրիգորի Ալեքսանդրովիչ Վալտերի միջոցներով։ Նրա խնդրանքով կազմվել է Հունական փողոց, 64 (այժմ` 78) շենքի նախագիծը։ Կառուցված տանը Վալտերների ընտանիքն ապրել է ոչ երկար և լքել է այն՝ չսպասելով շինարարության ավարտին։ 1870-ական թվականների սկզբին տան սեփականատերեր են դարձել վաճառական Ցիսարենկոյի ժառանգները, այնուհետև այնտեղ ապրել է երկաթուղիների տեսուչ Նիկոլայ Յուլիանովիչ Մայերը, որը հայտնի էր նկարների մեծ հավաքածուով։ Նրա հայրը եղել է նկարչության ուսուցիչ Մարիինյան օրիորդաց վարժարանում։ Նա նաև աշխատել է որպես տեխնիկական գծագրության ուսուցիչ քառամյա ուսումնարանում։
1870-ական թվականների կեսերին տնատիրությունն անցել է Գոբյատոների ազնվական ընտանիքին։ Ռուսական բանակի գեներալ-լեյտենանտ, ականանետի գյուտարար Լեոնիդ Նիկոլաևիչ Գոբյատոյի հորը՝ պաշտոնյա Նիկոլայ Գոբյատոյին, շենքը պատկանել է 1874-1886 թվականներին։
Այնուհետև տունը գնել է ինժեներ տեխնոլոգ Ալեքսանդր Բոգդանովիչ Նենտցելը (1890-1898), ապա՝ պետական խորհրդականի կին Վերա Մատվեևնա Ֆիլևսկայան (1906-1915)։
Այս տանն ապրել է նաև Տագանրոգի պատվավոր բնակիչ Պավել Պետրովիչ Ֆիլևսկին։ Նա եղել է Մարիինյան վարժարանի պատմության և աշխարհագրության ուսուցիչ, Տագանրոգ քաղաքի պատմաբան, քաղաքի 200-ամյակի առթիվ թողարկված «Տագանրոգ քաղաքի պատմությունը» գրքի հեղինակը։
Ճարտարապետություն խմբագրել
Շենքի ճակատի ժամանակակից ձևավորումը տարբերվում է ճարտարապետի նախագծածից։
Հորիզոնական ուղղությամբ յոթ պատուհաններով մեկուկեսհարկանի տունը կառուցվել է վաղ կլասիցիզմի ոճով։ Շենքի մուտքը նրա ձախ կողմում է։ Դեկորատիվ ճաղերով և սյուներով մետաղե դարպասով մուտքը դեպի բակ գտնվում է աջից։
Երկրորդ հարկի պատուհանների վերևում զարդաքիվեր են։ Տանիքին տեղադրված են անտեֆիքսներ[1]։
Տունը պատմության և մշակույթի տարածաշրջանային նշանակության հուշարձան է։
Գրականություն խմբագրել
- Энциклопедия Таганрога. — Ростов-н/Д: Ростиздат, 2003. — 512 с. — ISBN 5-7509-0662-0
Արտաքին հղումներ խմբագրել
- Таганрог, ул. Греческая, 78 Արխիվացված 2017-03-01 Wayback Machine
Ծանոթագրություններ խմբագրել
- ↑ Глазычев В. Л. Архитектура. Энциклопедия. — М.: Дизайн. Информация. Картография; Астрель; АСТ, 2002. — 672 с. — ISBN 5-17-005418-1.