Ֆեոդոր Դոստոևսկու հուշարձան (Մոսկվա, Վոզդվիժենկա փողոց)
Անվան այլ կիրառումների համար տե՛ս՝ Ֆեոդոր Դոստոևսկու հուշարձան (այլ կիրառումներ)
Ֆեոդոր Դոստոևսկու հուշարձան (ռուս.՝ Памятник Фёдору Достоевскому), հուշարձան Ռուսաստանի Դաշնության մայրաքաղաք Մոսկվայում, որը նվիրված է ռուս մեծ գրող, գրականագետ, փիլիսոփա Ֆեոդոր Միխայլովիչ Դոստոևսկուն։ Քանդակի հեղինակն է քանդակագործ Ալեքսանդր Ռուկավիշնիկովը։ Տեղադրվել է Վոզդվիժենկա փողոցում` Ռուսաստանի պետական գրադարանի մոտ։
 | |
|---|---|
 Ֆեոդոր Դոստոևսկու հուշարձանը | |
 | |
 | |
| Կոորդինատներ | 55°45′07″ հս․ լ. 37°36′34″ ավ. ե.HGЯO |
| Գտնվում է |  ՌուսաստանՄոսկվա |
| Կառուցվել է | 1997 |
| Շինության ձևը | Քանդակ |
| Կառուցել է | Ալեքսանդր Ռուկավիշնիկով |
| Ներկա վիճակը | Կանգուն |
Ստեղծման պատմությունԽմբագրել
Հուշարձանը տեղադրելու գաղափարը հայտնվել է Մոսկվայի 850-ամյակի տոնակատարությունից առաջ։
Նախագծի հեղինակներն են հայտնի վարպետներ` քանդակագործ Ալեքսանդր Ռուկավիշնիկովը, ճարտարապետներ Միխայիլ Պոսոխինը, Ա. Գ. Կոչեկովսկին և Ա. Ս. Շարովը։ Որոշվել է հուշարձանը տեղադրել Ռուսաստանի պետական գրադարանի շենքի առջև։
Հուշարձանը բացվել է 1997 թվականին։
Հուշարձանի նկարագրությունԽմբագրել
Հուշարձանը պատկերում է նստարանին նստած Ֆեոդոր Դոստոևսկուն։ Գրողն ինչ-որ բանի մասին խոր մտածմունքի մեջ է, նրա կեցվածքն անհարմար է, դեմքի արտահայտության մեջ կարելի է որսալ անելանելիության և տխրության զգացում։
Քանդակը ձուլված է բրոնզից և գտնվում է անսովոր ձևի գրանիտե պատվանդանի վրա։ Պատվանդանի ճակատային մասում փորագրվոծ է «ԴՈՍՏՈԵՎՍԿԻ» մակագրությունը, իսկ հետևի մասում Նևայի խորաքանդակային պատկերն է Սանկտ Պետերբուրգում։
ԸնկալումԽմբագրել
-_panoramio.jpg)
Գրողի զբաղեցրած անսովոր կեցվածքի պատճառով, կոթողը ժողովրդի կողմից ստացել է «ռուսական թութքի հուշարձան» անվանումը կամ` «ընդունելություն պրոկտոլոգի մոտ»[1][2]։
Հեղինակը` Ա. Ռուկավիշնիկովը, այսպես է մեկնաբանում իր ստեղծագործության ծաղրական մականունը.
|
Դե ինչ, ըստ իս` լավ է։ Դա բնութագրում է բնակիչների դաստիարակվածությունը: - «Մոսկովսկի կոմսոմոլեց» թերթին տված հարցազրույցից
|
|
2006 թվականին Գերմանիայի Դրեզդեն քաղաքում ևս բացվել է Դոստոևսկու հուշարձան, որի հեղինակը նույնպես Ալեքսանդր Ռուկավիշնիկովն է։ Քանդակը կոչել են մոսկովյան հուշարձանի «կրտսեր եղբայր», սակայն այն շատ ավելի համեստ տեսք ունի, քան գրադարանի մոտի հուշարձանը[3][4]։
ՊատկերասրահԽմբագրել
Ֆեոդոր Դոստոևսկու հուշարձանը Ռուսաստանի պետական գրադարանի շենքի մոտ
Ֆեոդոր Դոստոևսկու հուշարձանը ձմռանը
ԾանոթագրություններԽմբագրել
- ↑ Прогулки по Москве :: Достоевский Ф. М. возле Российской Государственной Библиотеки
- ↑ «Разжалованные из монументов»։ Аргументы и факты։ 2012-08-07։ Վերցված է 2013-09-08
- ↑ Newsru.com :: В Дрездене открыт памятник Фёдору Достоевскому
- ↑ В Дрездене открыт памятник Достоевскому — Газета.Ru
ԳրականությունԽմբագրել
- Вострыев, М.И., Шокарев С.Ю. Вся Москва от А до Я. Энциклопедия. — М.: Алгоритм, 2011. — 1064 с. — ISBN 978-5-4320-0001-9