Ֆեդչենկոյի սառցադաշտ
Ֆեդչենկոյի սառցադաշտ, լեռնահովտային խոշոր սառցադաշտ Պամիրում, Տաջիկստանում։
| Ֆեդչենկոյի սառցադաշտ | |
|---|---|
 | |
| Տեսակ | սառցադաշտ |
| Երկիր |  Տաջիկստան |
| Վարչատարածք | Լեռնային Բադախշանի ինքնավար մարզ |
| Լեռնաշղթա | Գիտությունների ակադեմիայի լեռնաշղթա |
 | |
 | |
Սկիզբ է առնում Յազգուլեմի լեռնաշղթայի հյուսիսային լանջից, Հեղափոխության, 26 կոմիսարների և Փարիզյան կոմունայի պիկերի ստորոտներից, իջնում Գիտությունների ակադեմիայի լեռնաշղթայի երկարությամբ՝ աջից ու ձախից ընդունելով 30 վտակ-սառցադաշտ։ Երկարությունը 77 կմ է, լայնությունը՝ 2600 մ, սառցի հաստությունը՝ միջին մասում մինչև 1000 մ, ընդհանուր տարածությունը՝ 824 կմ², շարժման արագությունը՝ 66, 8 սմ/օր, այն բևեռայաին սահմաներից դուրս գտնվող ամենաերկար սառցադաշտն է։
Նրանից սկիզբ է առնում Սելդարա գետը։ Ֆեդչենկոյի սառցադաշտի վրա է աշխարհի ամենաբարձր (ավելի քան 4200 մ) օդերևութաբանական կայանը, մոտ 4900 մ բարձրության վրա գործում է սառցադաշտաբանական կայան։ Հայտնագործել է Վասիլի Օշանինը, 1878 թվականին։ Անվանումը տրվել է ի պատիվ ռուս ճանապարհորդ և բևեռախույզ Ալեքսեյ Ֆեդչենկոյի (1844-1873)։
Գրականություն
խմբագրել- Труды Памирской экспедиции 1928 г., в. 1 - Общий отчет, Л., 1929
- Долгушин Л. Д. , Осипова Г. Б.. Ледники. М։ «Мысль», 1989.
- Ледник Федченко, т. 1, Ташкент։ 1962.
Արտաքին հղումներ
խմբագրել- "Fedchenko Glacier". Encyclopædia Britannica կայքում
 | Վիքիպահեստն ունի նյութեր, որոնք վերաբերում են «Ֆեդչենկոյի սառցադաշտ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 623)։ 
|