Օր․Բ․-ին
«Օր. Բ.-ին», Հովհաննես Թումանյանի բանաստեղծություններից՝ գրված 1892 թվականին[1]։
| Օր. Բ.-ին | |
|---|---|
| Տեսակ | բանաստեղծություն |
| Ժանր | բանաստեղծություն |
| Ձև | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1892 |
| Հրատարակվել է | 1892 |
| Վիքիդարան | Օր․Բ․-ին |
Պատմություն խմբագրել
Հովհաննես Թումանյանն այս բանաստեղծությունը գրել է 1892 թվականի ապրիլի 5-ին։
Եղիշե Չարենցի անվան գրականության և արվեստի թանգարանի Թումանյանի ֆոնդի № 27-ում պահվում է մեկ ինքնագիր, հանված «Մուրճ» ամսագրի արխիվից՝ թվագրված «92 թ․ ապրիլի 5»[1]։
Առաջին անգամ տպագրվել է 1892 թվականին« Մուրճ » ամսագրի № 5, (էջ 725) «Նվեր» վերնագրով, որը Թումանյանինը չէ․ «Մուրճ» ամսագրի խմբագիր Ավետիկ Արասխանյանն է ջնջել «Օր․Բ․-ին» վերնագիրը, տեղը գրելով նվեր։ Հետագայում «Նվեր» վերնագրով տպագրվել է Երևանում՝ 1940-1959 թվականին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 90)։
Արտատպվել է «Մուրճ» ամսագրից։ Վերականգնվել է Թումանյանի դրած վերնագիրը[1]։
Մինչև այսօր հայտնի չէ, թե ով է Օր․ Բ․-ն։
