Օվաջիղի դաշտ (Հովաջիկի, Մնձուրի գոգհովիտ), Ներքին Տավրոսի համակարգում, Մնձուր գետի վերնագավառում, 1300-1500 մ բարձրության վրա։ Շրջապատված է Մնձուրի և Մերջանի լեռնաշղթաներով և Պազիկանի հրաբխային լեռնազանգվածով։ Ծածկված է լճագետային նստվածքներով։ Տիրապետում է լեռնատափաստանային լանդշաֆտը՝ շագանակագույն հողերով ու տարախոտային բուսածածկույթով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։