Օնիկ Խնկիկյան
Օնիկ Սարգսի Խնկիկյան (մարտի 12, 1940, Բուրգաս, Բուլղարիա - նոյեմբերի 16, 2021, Երևան, Հայաստան), հայ պատմաբան, հնագետ։ Պատմական գիտությունների դոկտոր (1998):
| Օնիկ Խնկիկյան | |
|---|---|
| Ծնվել է | մարտի 12, 1940 |
| Ծննդավայր | Բուրգաս, Բուլղարիա |
| Մահացել է | նոյեմբերի 16, 2021 (81 տարեկան) |
| Մահվան վայր | Երևան, Հայաստան |
| Քաղաքացիություն |  Հայաստան |
| Կրթություն | Հայկական պետական մանկավարժական համալսարան (1966) |
| Գիտական աստիճան | պատմական գիտությունների դոկտոր (1998) |
| Մասնագիտություն | պատմաբան և հնագետ |
Կենսագրություն խմբագրել
Օնիկ Խնկիկյանը ծնվել է Բուրգասում։ 1966 թվականին ավարտել է Խաչատուր Աբովյանի անվան պետական մանկավարժական ինստիտուտը։ 1988-1996 թվականներին եղել է Երևանի պետական համալսարանի, 1997-1998 թվականներին՝ ՀՀ ԳԱԱ հնագիտության և ազգագրության ինստիտուտի ավագ գիտաշխատող, 2005 թվականից՝ Եղեգնաձորի «Գիտելիք» համալսարանի դասախոս։
Աշխատությունները վերաբերում են Հայաստանի բրոնզի դարաշրջանի արհեստներին, Սյունիքի բրոնզ-երկաթեդարյան հուշարձանների քննությանը։ Համահեղինակ է «Հին Շիրակավան. 1977-1981 թվականների պեղումների արդյունքները» աշխատության (2002)[1][2][3]:
Մշակել է Եղեգնաձորի երկրագիտական թանգարանում պահպանվող Ճոչ-Տարից 1989 թվականին հայտնաբերված մ.թ.ա. 7-րդ դարի ուրարտական բրոնզե գոտին[4]։
«Հայկական լեռնաշխարհի հյուսիսային տարածքները մ. թ. ա. VII-VI դդ» գրքի հեղինակն է։ Տպագրվել է հետմահու։
Մահացել է 2021 թվականի նոյեմբերի 16-ին Երևանում։
Երկեր խմբագրել
- Արհեստները բրոնզեդարյան Հայաստանում, Երևան, 1977
- Syunik during the bronze and iron ages, N. Y., 2002.
- Հայաստանի հնագիտություն (Հին քարի դարից մինչև Վանի թագավորության անկումը)։ Երևան, 2009[5]։
- Հայկական լեռնաշխարհի հյուսիսային տարածքները մ. թ. ա. VII-VI դդ,, ՀՀ ԳԱԱ «Գիտություն» հրատարակչություն, 2021, 236 էջ +1 քարտեզ
Ծանոթագրություններ խմբագրել
- ↑ Շիրակավանի մ. թ. ա. VII-VI դդ. դամբարանները(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Կոհա առցանց քարտարան › Որոնման արդյունքներ համար 'au:"Խնկիկյան, Օնիկ Սարգսի,"'». haygirk.nla.am. Վերցված է 2017 թ․ հունվարի 2-ին.
- ↑ «Գոտի Ուրարտական - Հայկական գանձարան». Հայկական գանձարան. Վերցված է 2017 թ․ հունվարի 2-ին.
- ↑ «Հայաստանի հնագիտություն (Հին քարի դարից մինչև Վանի թագավորության անկումը)» (PDF). Արխիվացված է օրիգինալից (PDF) 2017 թ․ մարտի 1-ին. Վերցված է 2017 թ․ հունվարի 2-ին.