Պատահում է, որ որոշակի թեմայի վերաբերյալ ազատ պատկերներ հասանելի չեն։ Հայերեն Վիքիպեդիան այս դեպքում թույլ է տալիս սահմանափակ քանակով ոչ ազատ պատկերների կիրառումը։ Այդ պատկերներից են, օրինակ՝ գրքերի, երաժշտական ալբոմների շապիկները, համակարգչային խաղերի, կայքերի կամ ծրագրային ապահովման էկրանահանները (schreenshot), կազմակերպությունների լոգոները և այլն։ Սրա իրավական հիմքը «ՀՀ հեղինակային իրավունքի և հարակից իրավունքների մասին» օրենքի 22-րդ հոդվածն է, որը սահմանում է ստեղծագործության ազատ օգտագործման սահմանափակ հնարավորությունները և ԱՄՆ-ի (որտեղ գտնվում են Վիքիպեդիայի սերվերները) «արդար օգտագործման» գաղափարը։ Վիքիպեդիայի պահանջները, սակայն, սովորաբար շատ ավելի խիստ են և պահանջում են ոչ ազատ բովանդակությունը հասցնել նվազագույնի։
Ոչ ազատ պատկերներին վերաբերող բոլոր պահանջները կարող ես գտնել ոչ ազատ պատկերների օգտագործման չափանիշների էջում։ Ոչ ազատ պատկեր կարելի է վերբեռնել միայն այն դեպքում, եթե այն համապատասխանում է ստորև բերված բոլոր պահանջներին.
- Պատկերի ազատ տարբերակն առկա չէ։
- Չի վնասում հեղինակի առևտրային շահերին։
- Հոդվածներում սահմանափակ օգտագործումն ապահովված է, պատկերն ունի նվազագույն չափ, փոքր թույլտվություն։
- Ստուգելի է համապատասխան աղբյուրներով։
- Ունի լիարժեք նկարագրություն, տվյալներն ամբողջական են։
Հայերեն Վիքիպեդիայում ոչ ազատ պատկերների վերբեռնման համար պետք է հետևել վերբեռնման էջի ցուցումներին։ Վերբեռնման էջի հղումը կա նաև ձախ հատվածի գործիքներում։