Քրոմշպինելիդներ

Քրոմշպինելիդներ, քրnմշպինելներ, քրոմիտներ, միներալներ շպինելիդների խմբից։ Ընդհանուր քիմիական կազմը՝ (Mg, Fe)(Cr, Al, Fe)₂O₄։ Քրոմշպինելիդները ընդգրկում են շուրջ 20 միներալ և դրանց տարբերակները։ Կարևոր միներալներն են՝ մագնոքրոմիտը՝ (Mg, Fe)Cr₂O₄, քրոմպիկոտիտը՝ (Mg, Fe)(Cr, Al)₂O₄ և ալյումոքրnմիտը Fe(Cr,Al)₂O₄։ Բուն քրոմիաը՝ FeCr₂O₄, հազվագյուտ միներալ է և հայտնաբերված է միայն երկնաքարերում։ Բյուրեղագիտական համակարգը խորանարդային է։ Բյուրեղային ստրուկտուրան նման է նորմալ շպինելի ստրուկտուրային։ Գույնը սև, գորշ-սև։ Կարծրությունը 5,5 7,5, խտությունը՝ 4200-5100 կգ/մ³։ Երբեմն թույլ մագնիսական են։ Քրոմի ստացման հիմնական հանքանյութն են։ Արհեստական քրոմշպինելիդները՝ քրոմային ֆերիտները, կիրառվում են ռադիոէլեկտրոնիկայում, հաշվողական տեխնիկայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 498)։