Փիլիպպիկոս Վարդան
Փիլիպպիկոս Վարդան (7-րդ դար, Հայաստան - հունվարի 20, 714, Դալմաթիա, Խորվաթիա), հայազգի բյուզանդական կայսր (711-713), Մամիկոնյան իշխանական տնից, Նիկեփոր Պատրիկ Մամիկոնյանի որդին։
Փիլիպպիկոս Վարդան Մամիկոնյան | |
---|---|
Բյուզանդիայի կայսր | |
Իշխանություն | 711-713 թթ. |
Թագադրում | 711 |
Հունարեն | Φιλιππικός Βαρδάνης |
Լատիներեն | Philippicus Bardanes |
Ծնվել է՝ | 7-րդ դար |
Ծննդավայր | Հայաստան |
Մահացել է՝ | հունվարի 20, 714 |
Վախճանի վայր | Դալմաթիա, Խորվաթիա |
Երկիր | Բյուզանդական կայսրություն |
Նախորդ | Հուստինիանոս II Ռինոտմետոս |
Հաջորդող | Անաստասիոս II |
Թագավորական Տուն | Մամիկոնյաններ |
գերիշխան |
Կենսագրություն խմբագրել
Տիբերիոս III Ապսիմարոս կայսեր օրոք (698-705) ծառայել է բյուզանդական բանակում, հավակնել է գահին, ինչի համար աքսորվել է Կեֆալոնիա կղզի, ապա՝ Խերսոնես։ 711 թվականին հարել է կայսեր դեմ Խերսոնեսում բռնկած ապստամբությանը, հռչակվել է կայսր և մտել Կ․Պոլիս։ Արտաքսել է հայերին (հավանաբար՝ պավլիկյաններին) և հարկադրել է բնակվել Մելիտենեում ու Չորրորդ Հայքում։ Անհաջողություն է կրել արաբների և բուլղարների դեմ պատերազմներում։ Միջամտել է եկեղեցական հարցերին, պատրիարքական աթոռից հեռացրել է Կյուրոսին, նրա տեղը պատրիարք նշանակել Հովհաննես IV։ Զինվորականները գահընկեց են արել և կուրացրել։
Աղբյուրներ խմբագրել
- Հայոց անձնանունների բառարան, Հրաչյա Աճառյան, 1942 թ.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |