Տրիգլավ (լեռ)
Անվան այլ կիրառումների համար տե՛ս՝ Տրիգլավ (այլ կիրառումներ)
Տրիգլավ (սլովեն.՝ Triglav), լեռ Սլովենիայում։ Սլովենիայի, նախկին Հարավսլավիայի ու Հուլյան Ալպերի ամենաբարձր լեռն է։ Տրիգլավի բարձրությունը կազմում է 2864 մ[1]։ Տրիգլավը Սլովենիայի ազգային խորհրդանիշն է, պատկերված է երկրի զինանշանի ու դրոշի վրա։ Լեռն իր շրջակայքի հետ հայտարարվել է Սլովենիայի միակ ազգային պարկը։
| Տրիգլավ | |
|---|---|
 | |
| Տեսակ | լեռ և highest point? |
| Երկիր |  Սլովենիա |
| Վարչատարածքային միավոր | Municipality of Kranjska Gora?, Bovec? և Bohinj Municipality? |
| Լեռնաշղթա | Triglav Group? |
| Բարձրությունը ծովի մակարդակից | 2864 մետր |
| Հարաբերական բարձրություն | 2059 մետր |
| Պահպանման տարածք | Տրիգլավ |
| Նյութ | կրաքար |
| Առաջին վերելք | 26 օգոստոսի, 1778 թվական |
Լեռն իր անունն ստացել է եռագագաթ լինելու պատճառով։ Նրա ամենահայտնի տեսարանը, որ պատկերված է Սլովենիայի դրոշին[2], երևում է Բոխին քաղաքից։
Լեռան գագաթին գտնվում է Ալյաժի սյուն կոչվող աշտարակը՝ մետաղական կառույց, որ այնտեղ տեղադրվել է 1895 թվականի օգոստոսի 7-ին վանական Յակոբ Ալյաժի կողմից։ Առաջին անգամ լեռան գագաթն են բարձրացել 1778 թվականի օգոստոսի 26-ին սլովենացի չորս լեռնագնացներ՝ Լուկա Կորոշեցը, Մատիա Կոսը, Շտեֆան Ռոժիչն ոի Լովրենց Վիլոմիտցերը։
Սլովենական առասպելներում Տրիգլավ լեռը գրավում է հատուկ տեղ. բավական հայտնի է լեգենդը Տրիգլավ լեռան գագաթին բնակվող Զլատոռոգ լեռնային այծի մասին, որի պոզերը մաքուր ոսկուց էին։ Այդ այծի պատվին է կոչվել Սլովենիայի ամենահայտնի գարեջրերից մեկը՝ «Զլատոռոգ»։
Տրիգլավ լեռան շրջակայքի՝ ազգային պարկից դուրս գտնվող տարածքները լեռնադահուկային զբոսաշրջության սիրված ուղղություններից են։
Ծանոթագրություններ Խմբագրել
- ↑ Banovec Tomaž (March 1986)։ «Triglav, 2864 metrov» [Triglav, 2864 meters]։ Planinski vestnik (Slovene)։ LXXXVI (3): 106
- ↑ «Zakon o grbu, zastavi in himni Republike Slovenije ter o slovenski narodni zastavi» [The Law on the Coat of Arms, the Flag and the Anthem of the Republic of Slovenia and on the Slovene National Flag]։ Uradni list [Official Gazette] (Slovene)։ հոկտեմբերի 21, 1994
Արտաքին հղումներ Խմբագրել
- Peakware.com Archived 2014-08-28 at the Wayback Machine.
- Summitpost.org
- Путешествие в Триглавский национальный парк Archived 2015-06-12 at the Wayback Machine. (ռուս.)