Տաղավար մարգագետնի վրա
«Տաղավար մարգագետնի վրա», անգլիացի նկարիչ-պրեռաֆայելիտ Դանթե Գաբրիել Ռոսսետտիի յուղաներկից վրձնած նկարը, հեղինակն այն ստեղծված 1850-1866-ից մինչև 1872 թվականը, ներկայումս նկարը գտնվում է Մանչեստրի գեղարվեստի պատկերասրահում։
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1872 |
| բարձրություն | 86,3 ± 0,1 սանտիմետր |
| լայնություն | 68 ± 1 սանտիմետր |
| նյութ | յուղաներկ և կտավ |
| գտնվում է | Մանչեստրի պատկերասրահ |
| հավաքածու | Մանչեստրի պատկերասրահ |
պատկերված են
| |
| կայք | |
Ծանոթագրություններ | |
Նկարիչը նկարի հիմնապաստառը սկսել է նկարել դեռևս 1850 թվականին՝ Կենտում՝ Ուիլյամ Հոլման Հանտի ընկերակցությամբ։ Սկզբում պլանավորվել էր, որ կենտրոնական ֆիգուրներ են հանդիսանալու երկնքում պատկերվող Դանթեն և Բեատրիչեն, սակայն շուրջ 20 տարի նկարիչը չի անդրադարձել նկարին և այն մնացել է առանց գլխավոր հերոսների[1]։ Նա վերսկսել է աշխատանքը 1871 թվականին։
Նկարի առաջին պլանում պատկերված են երկու կանայք, որոնք նվագում են երաժշտական գործիքներով. նկարվել է նկարի վրա աշխատանքը սկսելուց 20 տարի անց։ Այս ընթացքում նախնական մտադրությունը փոխվել է, և ներշնչվելով Ջեյն Մորիսի հետ ունեցած իր իր սիրավեպից, Ռոսետին ցանկացել է պատկերել ավելի թեթև և մելանխոլիկ կերպարներ[2]։ Նկարի համար բնորդուհիներ են դարձել Մարիա Սպարտալի Ստիլմանը (ձախից) և Ալեկսա Ուսյլդինգը (աջից)[2][3]։ Կանայք հագել են երկար շրջազգեստ և իրենցից ներկայացնում են նախառաֆայելական շրջանում հաճախակի պատկերվող գեղեցկության տիպարներ։ Հետևի պլանում պատկերված են պարող կերպարներ, որոնց շրջազգեստները համաչափ անդրադարձնում են առաջնային պլանում պատկերված ֆիգուրների հագուստի և մազերի գույները, հեռվում պատկերված է նաև մի կին, որը տանում է մրգերով լցված զամբյուղ[1][2]։ Քննադատները նշում են, որ նկարում առկա են սյուռեալիզմի տարրեր, մասնավորապես, նկարի վերևի աջ անկյունում առկա տարօրինակ բարձր շինությունը[1]։
Ռոսետին հաճախ է պատկերել կանանց, որոնք նվագում են երաժշտական գործիքներ։ Բնանկարի այս տեսակը շատ հայտնի էր և հետաքրքրություն էր առաջացնում գնորդների շրջանում։ 1872 թվականին հեղինակը կրկնել է այս սյուժեն գունամատիտե նկարում, սակայն կանանց արանքում նկարել է նետով հրեշտակ[4]։ Մեկ այլ նկարում հրեշտակն իր ձեռքում բռնել է թռչուն, որը կարող է խորհրդանշել երկրային և երկնային երաժշտություն, մարդկայինի և աստվածայինի միաձուլում[5]։
ԾանոթագրություններԽմբագրել
- ↑ 1,0 1,1 1,2 «The Bower Meadow — Rossettiarchive.org» (անգլերեն)։ Վերցված է 2016-05-09
- ↑ 2,0 2,1 2,2 «The Bower Meadow» (անգլերեն)։ Manchester Art Gallery։ Արխիվացված է օրիգինալից 2016-03-05-ին։ Վերցված է 2016-05-09
- ↑ Kern Stephen (1996)։ Eyes of love: the gaze in English and French paintings and novels, 1840-1900։ London: Reaktion Books։ էջ 274։ ISBN 978-0-948462-83-2 Книга на googlebooks
- ↑ «The Bower Meadow — Rossettiarchive.org» (անգլերեն)։ Վերցված է 2016-05-09
- ↑ «Art-prints-on-demand.com» (անգլերեն)։ Վերցված է 2016-05-09