Վիտալի Բամբուրով
Վիտալի Բամբուրով (ռուս.՝ Виталий Григорьевич Бамбуров, օգոստոսի 3, 1933, Չելյաբինսկի մարզ), ռուս գիտնական, ՌԴ Գիտությունների ազգային ակադեմիայի թղթակից անդամ, ամենացածր օքսիդացման պայմաններում գտնվող նոր միացությունների և հազվագյուտ տարրերի սինթեզի և ֆիզիկաքիմիական հատկությունների փորձագետ։
Վիտալի Բամբուրով | |
---|---|
Ծնվել է | օգոստոսի 3, 1933 (90 տարեկան) |
Ծննդավայր | Չելյաբինսկի մարզ |
Քաղաքացիություն | ԽՍՀՄ և Ռուսաստան |
Կրթություն | Ուրալի դաշնային համալսարան |
Գիտական աստիճան | քիմիական գիտությունների դոկտոր |
Մասնագիտություն | քիմիկոս |
Աշխատավայր | Institute of Solid State Chemistry? |
Պարգևներ և մրցանակներ |
Կենսագրություն խմբագրել
1950 թվականին դպրոցն ավարտելուց հետո ընդունվել է Ուրալի Ս. Կիրովի անվան պոլիտեխնիկական ինստիտուտի ֆիզիկայի և տեխնոլոգիայի բաժինը, որը 1956 թվականին ավարտել է գերազանցությամբ` ստանալով «Հազվագյուտ մետաղների» մասնագիտացմամբ մետաղագործ-ինժեների որակավորում։
1959-1963 թվականներին եղել է ԽՍՀՄ ԳԱ Ուրալի մասնաճյուղի քիմիայի ինստիտուտի ասպիրանտ։ «Տիտանի և ցիրկոնիումի միացությունների փոխազդեցությունը ալկալային մետաղների ֆտորիդային աղերի հետ» թեմայով գրված թեկնածուական աշխատանքն արժանացել է Դ. Մենդելեևի անվան համամիութենական քիմիական միության մրցանակի և պատվոգրերի։
1964 թվականից սկսած ձևավորվել է Վ. Բամբուրովի հիմնական գիտական ուղղությունը, այն է` հազվագյուտ տարրերի` օքսիդացման նվազագույն վիճակում նոր միացությունների և ֆիզիկաքիմիական հատկությունները։
1998-2003 թվականներին եղել է Ռուսաստանի գիտությունների ակադեմիայի Ուրալի մասնաճյուղի Պինդ մարմինների քիմիայի ինստիտուտի տնօրեն։
2000 թվականի մայիսի 26-ին ընտրվել է Ռուսաստանի գիտությունների ակադեմիայի թղթակից անդամ` անօրգանական նյութերի ֆիզիկաքիմիայի և տեխնոլոգիայի ամբիոնում[1]։
Գիտական գործունեություն խմբագրել
Վ. Բաբուրովը և նրա ուսանողները նոր տվյալներ են հաստատել մի շարք 3d և 4f անցումային տարրերի օքսիդի և ֆտորիդային միացությունների քիմիայի վերաբերյալ, ստեղծել են խոստումնալից մագնիսական կիսահաղորդիչներ, նոր մագնիսադրական օպտիկապես ակտիվ նյութեր, ֆերոմագնիսական և գերհաղորդիչ էներգետիկ դաշտի սենսորներ, էլեկտրամեկուսիչ պողպատե ծածկույթներ (արծաթե մեդալ ԽՍՀՄ ВДНХ):
Աշակերտներ խմբագրել
Պատրաստել է 20 աշակերտների, որոնք դարձել են թեկնածուներ և գիտությունների դոկտորներ։
Պարգևներ խմբագրել
- Բարեկամության շքանշան (2002)` գիտության և կրթության ոլորտում ձեռքբերումների, տարբեր երկրների գիտնականների բարեկամության և գիտական համագործակցության ամրապնդման գործում ներդրման համար։
- ԽՍՀՄ Ժողովրդական տնտեսության ձեռքբերումների ցուցահանդեսի արծաթե մեդալ
Հրապարակումներ խմբագրել
7 մենագրություն, ավելի քան 320 գիտական աշխատանք, հեղինակային իրավունքի 50 վկայագիր։
Ծանոթագրություններ խմբագրել
- ↑ «Члены Уральского отделения. Члены-корреспонденты Российской Академии Наук». Արխիվացված է օրիգինալից 2011 թ․ նոյեմբերի 4-ին. Վերցված է 2021 թ․ փետրվարի 25-ին.