Վիկ Բագրատունի
Վահագն Բագրատունի (հուլիսի 24, 1990, Երևան, Հայկական ԽՍՀ, ԽՍՀՄ), հայ բեմադրիչ, դերասան[2]։
 | |
|---|---|
| Ծնվել է | հուլիսի 24, 1990 (33 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԱՄՆ[1] |
| Մասնագիտություն | ռեժիսոր և դերասան |
Կենսագրություն խմբագրել
Վահագն Բագրատունին ծնվել է 1990 թվականի հուլիսի 24-ին, Երևանում[3]։ Պապը դերասան, բեմադրիչ Վահագն Բագրատունին է[4]։
Վիկը 1992 թվականին ընտանիքի հետ տեղափոխվել է Գերմանիայի Շտուտգարտ քաղաք։ 5 տարեկանից խաղացել և երգել է Շտուտգարտի պետական օպերայում։ 1997-2010 թվականներին ուսում է ստացել Շտուտգարտի տեղի միջնակարգ դպրոցում, որն ավարտելուց հետո՝ 2011-2013 թվականներին ուսումը շարունակել է Նյու Յորքի Լի Ստրասբերգի թատրոնի և կինոյի ինստիտուտում, իսկ 2011-2014 թվականներին՝ Դերասանների բարձրագույն դասընթացներում։
Վիկը Նյու Յորքում խաղացել է թատրոնում և վավերագրական ֆիլմում, ամերիկյան դերասաններ Ուիլիամ Հարթի, Շիրլի Մքլեյնի, Դևիդ Հենրիի և այլ դերասանների հետ։ 2013 թվականին խաղացել է «Ընդհատակյա կայսրություն» ամերիկյան հեռուստասերիալում։ 2014 թվականին. տեղափոխվել է Լոս Անջելես, որտեղ շարունակում է դերասանական գործունեությունը։ 2013 թվականին նկարահանվել է «Հետախույզ, 2014 թվականին՝ «Սպասել գնացքին», «Նախընտրելի գործեր», 2015 թվականին՝ «Ծածկի տակ», «Գրանիտե տղամարդը», 2016 թվականին «Փլուզում» և այլ ֆիլմերում։
Ծանոթագրություններ խմբագրել
- ↑ Վիկ Բագրատունին՝ հոլիվուդյան աստղ դառնալու ճանապարհին
- ↑ «Вик Багратуни». www.film.ru. Վերցված է 2021 թ․ հուլիսի 24-ին.
- ↑ «AV Production - Վիկ Բագրատունի». avproduction.am. Արխիվացված է օրիգինալից 2021 թ․ հուլիսի 25-ին. Վերցված է 2021 թ․ հուլիսի 24-ին.
- ↑ Վիկ Բագրատունին՝ հոլիվուդյան աստղ դառնալու ճանապարհին