Վիլլի Գրինբերգ

Վիլլի Գրինբերգ (ռուս.՝ Вилли Янович Гринберг, օգոստոսի 24, 1897(1897-08-24), Կուրլանդիական գուբերնիա, Ռուսական կայսրություն - նոյեմբերի 15, 1941(1941-11-15), Չեխովսկի շրջան, Մոսկվայի մարզ, ՌԽՖՍՀ, ԽՍՀՄ), խորհրդային լատիշ զորապետ, Հայրենական մեծ պատերազմի մասնակից։

Վիլլի Գրինբերգ
օգոստոսի 24, 1897(1897-08-24) - նոյեմբերի 15, 1941(1941-11-15) (44 տարեկան)
Ծննդավայր	Կուրլանդիական գուբերնիա, Ռուսական կայսրություն
Մահվան վայր	Չեխովսկի շրջան, Մոսկվայի մարզ, ՌԽՖՍՀ, ԽՍՀՄ
Քաղաքացիություն	ԽՍՀՄ
Կոչում	գնդապետ
Մարտեր/ պատերազմներ	Հայրենական մեծ պատերազմ
Պարգևներ

Կենսագրություն

Վիլլի Յանովիչ Գրինբերգը ծնվել է 1897 թվականի օգոստոսի 24-ին Կուռլանդիայի նահանգի Գոլդինգենյան նահանգում։ 1916 թվականի մայիսից ծառայել է Ռուսական կայսերական բանակում։ Առաջին համաշխարհային պատերազմի ժամանակ ծառայել է 1-ին Ուստ-Դվինյան Լատիշական հրաձգային գնդում։

Կարմիր բանակի կազմում հանդես է եկել 1918 թվականից։ Ռուսաստանի քաղաքացիական պատերազմի մասնակից է։ 1924 թվականին ավարտել է Խարկովի ավագ հրամկազմի կրկնակի դասընթացները, 1931 թվականին Լենինգրադում Ֆ. Է. Ձերժինսկու անվան Ռազմա-տեխնիկական ակադեմիային կից հրամկազմի տեխնիկական կատարելագործման ակադեմիական դասընթացները։ Զանազան հրամանատարական և շտաբային պաշտոններ է զբաղեցրել հեծելազորում ծառայելու ընթացքում։ 1939 թվականի հունիսից եղել է Բանվորա-գյուղացիական Կարմիր բանակի մեխանիզացիայի և մոտորիզացիայի Ի. Վ. Ստալինի անվան Ռազմական ակադեմիայի դասախոս։ 1940 թվականի աշնանը նշանակվել է 27-րդ թեթև տանկային բրիգադի շտաբի պետի օգնական, 1941 թվականի մարտից Մերձբալթյան Հատուկ ռազմական օկրուգի 12-րդ մեքենայացված կորպուսի շտաբի թիկունքի բաժնի պետ։ Հայրենական մեծ պատերազմի սկզբում կորպուսը 8-րդ բանակի կազմում մասնակցել է Հյուսիսարևմտյան ռազմաճակատում ծավալվող սահմանային ճակատամարտերին։ Ն. Մ . Շեստոպալովի գլխավորած կորպուսի շտաբի օպերատիվ խմբի կործանումից հետո, գնդապետ Գրինբերգը կատարում էր կորպուսի շտաբի պետի պարտականությունները, իսկ հուլիսի 1-ից 13-ը կատարում էր կորպուսի հրամանատարի պարտականությունները։ Հետագայում նորից եղել է կորպուսի շտաբի պետ։

1941 թվականի օգոստոսից Հյուսիսարևմտյան ռազմաճակատի Նովգորոդյան բանակային օպերատիվ խմբի շտաբի պետը, որը հոկտեմբեր-նոյեմբերին մասնակցում էր Տիխվինի պաշտպանական օպերացիային։ 1941 թվականի նոյեմբերի 15-ից Վիլլի Յանովիչ Գրինբերգը համարվում էր անհետ կորած։ «Մեմորիալ» ОБД-ի էլեկտրոնային արխիվի տվյալներով թաղված է Մոսկվայի մարզի Չեխովսկի շրջանի Ստրեմիլովո գյուղում։

Պարգևներ

• «Բանվորա-Գյուղացիական Կարմիր բանակի XX տարի» մեդալ.
• Զենք-պարգև («Բրաունինգ» ատրճանակ).

Գրականություն

• Коллектив авторов. Великая Отечественная։ Комкоры. Военный биографический словарь / Под общей редакцией М. Г. Вожакина. - М.; Жуковский։ Кучково поле, 2006. - Т. 2. - С. 216-218. - ISBN 5-901679-08-3.