«Վերհիշում» (անգլ.՝ Rememory), 2017 թվականի ամերիկյան գիտաֆանտաստիկ ֆիլմ, որի ռեժիսորը Մարկ Պալանսկին է։ Ֆիլմի գլխավոր դերերում հանդես են եկել Փիթեր Դինքլեյջը, Ջուլիա Օրմոնդը, Մարտին Դոնովանը և Հենրի Յեն Քյուսիկը։ Պրեմիերան կայացել է 2017 թվականի հունվարի 25-ին «Սանդենս» կինոփառատոնում[2]։ 2017 թվականի օգոստոսի 24-ին հասանելի է դարձել Google Play-ում[3]։

Picto infobox cinema.png
Վերհիշում
անգլ.՝ Rememory
Վերհիշում (ֆիլմ).jpg
ԵրկիրFlag of the United States.svg ԱՄՆ
Ժանրդրամա
Թվականհունվարի 25, 2017 և նոյեմբերի 8, 2018[1]
Լեզուանգլերեն
ՌեժիսորՄարկ Պալանսկի
ԴերակատարներՓիթեր Դինքլեյջ և Jordana Largy?
Տևողություն111 րոպե

ՍյուժեԽմբագրել

Սեմը (Փիթեր Դինքլեյջ) և նրա եղբայրը՝ ռոք երաժիշտ Դեշը (Մեթ Էլիս), գիշերը վերադառնալով բարից, ավտովթարի են ենթարկվում՝ բախվելով մեկ այլ ավտոմեքենայի։ Դեշն ստանում է ծանր վնասվածքներ և մահանում՝ մահվանից առաջ եղբորն ասում ինչ-որ բան, որը Սեմը չի հասկանում։

Պատահարից մեկ տարի անց, գիտնական Գորդոն Դանը կոնֆերանսի ժամանակ ներկայացնում է «Մնեմո» անունը (անգլ.՝ Mnemo) կրող յուրօրինակ սարքավորումը, որը հնարավորություն է տալիս տեսագրել և վերարտադրել մարդու հիշողությունները։ Մեծ էկրանի վրա Դանը ցույց է տալիս, այսպես կոչված, փորձառնական խմբի անդամների հիշողությունները: Այդ նույն օրը Գորդոնը տարօրինակ կերպով մահանում է։ Սեմ Բլումը, որը ներկա էր եղել կոնֆերանսին, փորձում է պարզել նրա մահվան հանգամանքները։ Կասկածյալ են դառնում փորձառնական խմբի անդամները և «Cortex» ընկերության ղեկավար Լոութոնը, որը ֆինանսավորել է Դանի հետազոտությունները։

Սեմը ծանոթանում է Գորդոնի կնոջ՝ Քերոլինի հետ՝ ներկայանալով Գորդոնի վաղեմի ընկերոջ Ջեյմսի կերպարում։ Բլումը կարողանում է վերցնել Դանի սարքավորումը և հասկանում, որ այն ունեցել է տեխնիկական խնդիր, որն առաջացնում է կողմնակի ազդեցություններ։ Վերջինիս արդյունքում օգտագործողի մոտ ի հայտ են գալիս հալյուցինացիաներ։ Պարզվում է, որ փորձառնական խմբի անդամները դժգոհ են արդյունքից և հենց Գորդոնից։ Նա նաև իմանում է, որ Գորդոնը և Քերոլինը ապրել են առանձին այն բանից հետո, երբ, դժբախտ պատահարի արդյունքում, կորցրել են իրեց միակ դստերը։ Քերոլինը դիտում է ամուսնու հիշողությունների տեսագրությունը և պարզում, որ Գորդոնն ինքնասպան է եղել այն բանից հետո, երբ հասկացել է, որ իր հայտնագործությունն առաջացրել է ցավ և տառապանք՝ օգտագործողների շրջանում։ Դեռ միացած լինելով սարքավորմանը, Նա մահանում է, փորձելով ջնջել իր հիշողությունները։

Այդ ընթացքում, Բլումը վերանայում է ավտովթարի հիշողությունները, որի ժամանակ մահացել է իր եղբայրը։ Նա իմանում է, որ Դեշն իրեն ոչինչ չի ասել մահվանից առաջ, այլ միայն երգում էր իր երգը։ Սեմը նաև տեսնում է, որ մեքենայի մեջ, որին նրանք բախվել են, եղել է Գորդոնի ընտանիքը, այդ թվում նաև դուստրը, որը մահացել ավտովթարի արդյունքում։ Բլումը ներողություն է խնդրում Քերոլինից և նրան փոխանցում նրա հիշողությունները։ Քերոլինը չի նայում դրանք և նետում է ծովը։ Ֆիլմի վերջում Քերոլինը դիտում է, թե ինչպես է իր աղջիկը խաղում ջրի մոտ․ այդ հալյուցինացիա է, որն առաաջացել է սարքավորման օգտագործման արդյունքում։

Դերասանական կազմԽմբագրել

Դերասան Դեր
Փիթեր Դինքլեյջ Սեմուել «Սեմ» Բլում Սեմուել «Սեմ» Բլում
Ջուլիա Օրմոնդ Քերոլին Դան Գորդոնի կինը Քերոլին Դան
Մարտին Դոնովան Գորդոնն Դան գիտնական Գորդոնն Դան
Հենրի Յեն Քյուսիք Ռոբերտ Լոութոն «Cortex» ընկերության ղեկավար Ռոբերտ Լոութոն
Էվերլին Բրոշու Վենդի Փոլք Վենդի Փոլք փորձարարական խմբի անդամ, Գորդոնի սիրուհին
Անտոն Ելչին Թոդ Թոդ փորձարարական խմբի անդամ, ավտոմեխանիկ
Սքոթ Հայլենդս Չառլի Չառլի փորձարարական խմբի անդամ, Երկրորդ համաշխարհային պատերազմի վետերան
Մեթ Էլիս Դեշ Բլում Սեմի եղբայրը Դեշ Բլում
Քոլին Լոուրենս Մայք Բաքլենդ դեդեկտիվ Մայք Բաքլենդ
Գրեյսին Շինեյ Ջեյն Դան Գորդոնի և Քերոլինի դուստրը Ջեյն Դան

ԱրտադրությունԽմբագրել

2012 թվականի մարտի 27-ին հայտարարվել է, որ ֆիլմի գլխավոր դերերում հանդես են գալու Քեթրին Օ’Հարան և Փիթեր Դինքլեյջը[4]։ Հետագայում Օ’Հարան դուրս է մնացել նախագծից և նրան փոխարինել է Ջուլիա Օրմոնդը[5]։ Ֆիլմի նկարահանումներն սկսվել են 2016 թվականի հունվարի 25-ին և ավարտվել՝ 2016 թվականի փետրվարի 22-ին[6][7]։

ԾանոթագրություններԽմբագրել

  1. https://www.imdb.com/title/tt2331047/releaseinfo
  2. Patten Dominic (December 5, 2016)։ «Sundance 2017: Robert Redford, New Rashida Jones Netflix Series, 'Rebel In The Rye' & More On Premiere, Docu, Midnight & Kids Slates»։ Deadline Hollywood։ Penske Business Media։ Վերցված է July 18, 2018 
  3. Collis Clark (August 17, 2014)։ «Peter Dinklage is on the case in exclusive Rememory trailer»։ Entertainment Weekly։ Time։ Վերցված է August 28, 2017 
  4. Brooks Brian (March 27, 2012)։ «Catherine O'Hara And Peter Dinklage Board Mark Palansky's 'Rememory'»։ Deadline Hollywood։ Penske Business Media։ Վերցված է December 31, 2016 
  5. Patten Dominic (February 10, 2016)։ «Julia Ormond To Star In Mark Palansky's 'Rememory'»։ Deadline Hollywood։ Penske Business Media։ Վերցված է December 31, 2016 
  6. Gittins Susan (January 28, 2016)։ «SHOOT: Mark Palansky's REMEMORY With Peter Dinklage Filming in Gastown Today»։ Hollywood North։ Վերցված է December 31, 2016 
  7. SSN Insider Staff (February 26, 2016)։ «On the Set for 2/26/16: Dwayne Johnson & Zac Efron Start Shooting 'Baywatch', Peter Dinklage & Julia Ormond Wrap 'Rememory'»։ SSN Insider։ TSS News։ Արխիվացված է օրիգինալից February 28, 2016-ին։ Վերցված է December 31, 2016