Վարդերն արագ քաղեք (նկար, Ուոթերհաուս, 1909)
«Վարդերն արագ քաղեք» (անգլ.՝ Gather Ye Rosebuds While Ye May), անգլիացի նկարիչ Ջոն Ուիլյամ Ուոթերհաուսի նկարը, հեղինակն այն վրձնել է 1909 թվականին (մինչև վերջերս հստակ ամսաթիվը հայտնի չէր)։ Սա նկարի երկրորդ և առավել հայտնի տարբերակն է։ Նույն անվանումով առաջին տարբերակն ստեղծվել է 1908 թվականին և գտնվում է մասնավոր հավաքածուում։
 | |
|---|---|
 | |
| տեսակ | գեղանկար |
| նկարիչ | Ջոն Ուիլյամ Ուոթերհաուս |
| տարի | 1909 |
| բարձրություն | 101 սանտիմետր |
| լայնություն | 82,5 սանտիմետր |
| ուղղություն | Պրեռաֆայելիտներ |
| նյութ | յուղաներկ և կտավ |
| հավաքածու | անհայտ |
Ծանոթագրություններ | |
Նկարում պատկերված են սիրուն կանայք, որոնք ընդարձակ մարգագետնում վարդեր են քաղում։ Անվանումը փոխառնվել է 17-րդ դարի պոեմից՝ «Օրիորդներին․շտապեք լրացնել բաց թողածը», որի հեղինակը հանդիսանում է բանաստեղծ Ռոբերտ Գերիկը։ Բանաստեղծը մեծարելով գարնան և երիտասարդության ուրախությունները, խորհուրդ է տալիս մի կողմ նետել համեստությունը և արագ հարսանեկան զգեստ հագնել, քանի որ երիտասարդությունը արագ է սահում և ամեն ինչ «մոտենում է մայրամուտին»։
|
Վարդերն արագ քաղեք, Ամեն ինչ ծերանում է, Ծաղիկները, որ այժմ բոլորից սիրելի են, Վաղը ստվեր կդառնան։ |
|
Բառացի «Gather Ye Rosebuds While Ye May» կարելի է թարգմանել այսպես․ «Քաղեք կոկոն վարդերը, քանի կարող եք»։
|
|
Gather ye rosebuds while ye may, Old Time is still a-flying; And this same flower that smiles today Tomorrow will be dying.[1] |
|
2007 թվականի ապրիլին Սոթբիս աճուրդում նկարը գնահատվել է 2,5 միլիոն ԱՄՆ դոլար, չնայած չի վաճառվել[2]։
Ծանոթագրություններ
խմբագրել- ↑ To the Virgins, to Make Much of Time en.wikisource.org կայքում
- ↑ Sotheby’s 2007 auction
Արտաքին հղումներ
խմբագրել- Gather Ye Rosebuds While Ye May(անգլ.) Odon Wagner Gallery կայքում
- էսքիզ նկարի համար (1909 թվական)