Վան Ման (չինարեն՝ 王莽, Իրական անուն՝ Ցզյույցզյուն [巨君],մոտ մ. թ. ա. 45, Daming County, Չինաստան - հոկտեմբերի 6, 23, Չանյան), հին չինական պետական գործիչ։
Մ.թ. 8 թվականին դարձել է Հան կայսրության բարձրագույն աստիճանավոր, իսկ նույն տարվա դեկտեմբերին, կատարելով պալատական հեղաշրջում, իրեն հռչակել է կայսր։ Անցկացրել է մի շարք ռեֆորմներ, վերացրել է հողի մասնավոր սեփականությունը, արգելել հողի և ստրուկների առևտուրը, յուրաքանչյուր ընտանիքի հատկացրել վարելահող, մտցրել է դրամահավաք ելու մենաշնորհ և այլն։ Սակայն մ․թ․ 12 թվականին խոշոր հողատերերի ճնշման տակ հարկադրված վերացրել է հողային ռեֆորմը և հողի ու ստրուկների առուծախի արգելքը։ Վան Մանի ռեֆորմները չեն թուլացրել դասակարգային հակասությունները։ Մ․թ․ 15 թվականին երկրում բռնկել է ժողովրդական ապստամբություն։ Մ․թ․ 23 թվականին, երբ ապստամբական ջոկատները գրավել են մայրաքաղաք Չանյանը, Վան Մանը սպանվել է։
Wang Mang Վիքիպահեստում
