Վանիկ Ավագյան

Անվան այլ կիրառումների համար տե՛ս՝ Վանիկ Ավագյան (այլ կիրառումներ)

Վիքիպեդիայում կան հոդվածներ Ավագյան ազգանունով այլ մարդկանց մասին։

Վանիկ Ոսկանի Ավագյան (1941, Փոքր Սամսար, Ախալքալաքի շրջան, Սամցխե-Ջավախեթի մարզ, Վրացական ԽՍՀ, ԽՍՀՄ), հայ բանաստեղծ, արձակագիր, մանկավարժ, լրագրող։

Վանիկ Ավագյան
Ծնվել է	1941
Ծննդավայր	Փոքր Սամսար, Ախալքալաքի շրջան, Սամցխե-Ջավախեթի մարզ, Վրացական ԽՍՀ, ԽՍՀՄ
Մասնագիտություն	գրող
Քաղաքացիություն	ԽՍՀՄ

Կենսագրություն

Ծնվել է 1941 թվականին Ախալքալաքի շրջանի Փոքր Սամսար գյուղում։ Սովորել է գյուղի ութամյա դպրոցում, ապա 1959 թվականին ավարտել է Բարալեթ գյուղի միջնակարգ դպրոցը։ 1968 թվականին ավարտել է ԵՊՀ բանասիրական ֆակուլտետը, այնուհետև անցել է մանկավարժական աշխատանքի, եղել է ծննդավայրի դպրոցի փոխտնօրենը (1973-1990), ապա տնօրենը (1990 թվականից)։ Միաժամանակ 2000 թվականից «Հայ գրականության պատմություն» է դասավանդել Երևանի Ք. Քրքորյանի անվան տնտեսաիրավաբանական համալսարանի Ախալքալաքի մասնաճյուղի բանասիրական բաժնում։

Նպաստել է դասագրքերի և ուսումնամեթոդական ձեռնարկների հրատարակման աշխատանքներին։ 1990 թվականի ընտրվել է Համայն հայության ուսուցիչների միության անդամ։

Երկեր

• Լեռան գույներ (բանաստեղծություններ), Թբիլիսի, Մերանի, 1992, 70 էջ։
• Տառապանքի արշալույսներ (վեպ), Ե., ՎՄՎ-ՊՐԻՆՏ, 2003, 320 էջ։
• Անտեսանելի արցունքներ (պատմվածքներ, մանրապատումներ, վիպակներ), Ե., ՎՄՎ-ՊՐԻՆՏ, 2004, 304 էջ։
• Գոման գյուղի տարեգրությունը, Ե., ՎՄՎ-ՊՐԻՆՏ, 2006, 408 էջ։
• Լեռան գույներ (բանաստեղծություններ), Ե., ՎՄՎ-ՊՐԻՆՏ, 2006, 335 էջ։
• Լեռնաշխարհի սրնգահարը (բանաստեղծություններ), Ե., ՎՄՎ-ՊՐԻՆՏ, 2006, 408 էջ։
• Ճակատագրի նվագներ (բանաստեղծություններ), Ե., ՎՄՎ-ՊՐԻՆՏ, 2006, 335 էջ։
• Գոման գյուղի տարեգրությունը, Ե., ՎՄՎ-ՊՐԻՆՏ, 2007, 479 էջ։
• Գարուն (բանաստեղծություններ), Ե., ՎՄՎ-ՊՐԻՆՏ, 2007, 112 էջ։
• Կարնո կարոտ (բանաստեղծություններ), Ե., ՎՄՎ-ՊՐԻՆՏ, 2007, 220 էջ։

Մամուլ

• Արյունոտ արշալուս (հատված համանուն վեպից)։ Կամուրջ, Թբիլիսի, Վրաստանի գրողների ստեղծագործական միություն, 2009, էջ 62-66։