Վաղարշապատ ՖԱ

«Վաղարշապատ» ֆուտբոլային ակումբ, հայկական ֆուտբոլային ակումբ Վաղարշապատ քաղաքից։ Հիմնադրվել է 1967 թվականին։

Վաղարշապատ
Ամբողջական անուն	«Վաղարշապատ» ֆուտբոլային ակումբ
Հիմնադրում	1967
Երկիր	Հայաստան
Քաղաք	Վաղարշապատ
Մարզադաշտ	Վաղարշապատ
Տարողունակություն	3000
Տան դաշտ Մրցակցի դաշտ

Նախկին անվանումներ

• 1967-1988՝ «Արաքս» Էջմիածին
• 1988-1992՝ «Զվարթնոց» Էջմիածին
• 1992-1993՝ «Զվարթնոց» Վաղարշապատ
• 1993-1997՝ ԲՄԱ-«Արայի» Վաղարշապատ
• 2003-2005՝ «Վաղարշապատ»

Պատմություն

Նախքան Հայաստանի անկախ առաջնության անցկացումն ակումբը ոչ մի առանձին հաջողության չի հասել։ Միայն 1990 թվականին են սկսել պրոֆեսիոնալ մակարդակում նրա ելույթները ԽՍՀՄ երկրորդ լիգայում, որտեղ զբաղեցրել է 7-րդ տեղը։

1992 թվականից թիմը հանդես է եկել Հայաստանի բարձրագույն լիգայում՝ նորամուտային մրցաշրջանի արդյունքներով զբաղեցնելով 10-րդ տեղը և պահպանելով իր տեղն էլիտայում հաջորդ տարի։

Հայաստանի գավաթի խաղարկությունում ակումբը հասել է մինչև 1/4 եզրափակիչ և զիջել Երևանի «Վան» ակումբին 0:2 հաշվով։ Այդ արդյունքը մնացել է լավագույնն անկախ Հայաստանի մրցաշարերում ակումբի ելույթների շարքում։

Հետագայում զբաղեցնելով 13-րդ, ապա 14-րդ տեղերը՝ ակումբն անցել է Առաջին լիգա, որտեղ շարունակել է իր ելույթները։ 1995 թվականի ոչ պաշտոնական առաջնությունում թիմն զբաղեցրել է երրորդ տեղը և արժանացել փոքր բրոնզե մեդալների։ Սակայն երկու տարի անց թիմը հրաժարվել է մասնակցել մրցաշարերին։

Ակումբի վերածնունդը տեղի է ունեցել վեց տարի անց՝ «Վաղարշապատ» նոր անվանումով, ինչը դարձել է նշանակալի դեպք Առաջին լիգայում։ Մրցաշրջանի արդյունքում ակումբն արժանացել է փոքր արծաթե մեդալների, սակայն այդ ժամանակվա կանոնակարգը երկրորդ տեղն զբաղեցրած թիմին թույլ չի տվել անցնել Պրեմիեր լիգա։

2014 թվականի մրցաշրջանում ակումբն զբաղեցրել է 4-րդ, 2005 մրցաշրջանում՝ 8-րդ տեղը։ 2005 թվականի մրցաշրջանի ավարտից հետո ակումբը դադարեցրել է իր գոյությունը։

Ձեռքբերումներ

• Առաջին լիգայի արծաթե մեդալակիր (1) – 2003
• Առաջին լիգայի բրոնզե մեդալակիր (1) – 1995

Ակումբի գլխավոր մարզիչներ

• Վ. Եղիազարյան (1990)
• Սամվել Այվազյան (1991)
• Արկադի Անդրեասյան (1992-1993)
• Աշոտ Մարտիրոսյան (1993)
• Ռուդիկ Ավանեսյան (1993)
• Ղևոնդ Պողոսյան (1994)

Արտաքին հղումեր

• Ակումբի էջը www.weltfussballarchiv.com կայքում Արխիվացված 2012-11-27 Wayback Machine (անգլ.)
• Ակումբի էջը rsssf.com կայքում (անգլ.)
• Ակումբի էջը foot.dk կայքում Արխիվացված 2018-09-07 Wayback Machine (դան.)