Վահան Տիրունի

Վահան Սիմոնի Տիրունի (1923, Թիֆլիս, ԱԽՖՍՀ, ԽՍՀՄ), հայ նկարիչ՝ կիրառական արվեստի գծով։

Վահան Տիրունի
Ծնվել է	1923
Ծննդավայր	Թիֆլիս, ԱԽՖՍՀ, ԽՍՀՄ
Կրթություն	Թբիլիսիի գեղարվեստի ակադեմիա
Մասնագիտություն	նկարիչ

Կենսագրություն

1941 թվականին ավարտել է Բաքվի զինվորական ուսումնարանը և մասնակցել Հայրենական մեծ պատերազմին։ 1953 թվականին ավարտել է Թբիլիսիի գեղարվեստի ակադեմիան, աշխատել է Երևանի հախճապակու գործարանում, Հայաստանի գեղարվեստի ֆոնդի խեցեգործական արվեստանոցում։ Ցուցահանդեսների մասնակցել է 1954 թվականից։ Նրա էսքիզներով արտադրվել են կոմպոտի, գինու, կոնյակի, լիկյորի սպասքներ, արձանիկներ և այլն։ Զբաղվել է նաև մանկավարժությամբ։