Վահան Սաղաթելյան
- Վիքիպեդիայում կան հոդվածներ Սաղաթելյան ազգանունով այլ մարդկանց մասին։
Վահան Սաղաթելյան (մարտի 25, 1952, Դամալա), հայ արձակագիր։ Հայաստանի գրողների միության անդամ (1988)։
Վահան Սաղաթելյան | |
|---|---|
| Ծնվել է | 1952 մարտի 25 |
| Ծննդավայր | Դամալա |
| Մասնագիտություն | արձակագիր |
| Ազգություն | հայ |
| Քաղաքացիություն |  Հայաստան |
| Կրթություն | Երևանի պետական համալսարան (1975) |
| Անդամակցություն | ՀԳՄ |
Կենսագրություն
խմբագրելՎահան Սաղաթելյանը ծնվել է 1952 թվականին, Վրաստանի Ասպինձայի շրջանի Դամալա գյուղում։ 1975 թվականին ավարտել է Երևանի պետական համալսարանի մեխանիկական մաթեմատիկայի ֆակուլտետը։ 1975-1989 թվականներին եղել է Ատոմակայանների շահագործման ՀամԳՀԻ Երևանի մասնաճյուղի գիտաշխատող։ 1998-2003 թվականներին աշխատել է ՀՀ ՊՆ լրատվության ու քարոզչության վարչությունում, 2003 թվականից՝ «Ջավախք» հայրենակցական միության «Ասպնջակ» (2006 թվականից՝ «Հայրենիք») պաշտոնաթերթում՝ որպես խմբագիր։
Հեղինակել է «Տոհմի կանաչ ծառը» (1988), «Արնախաչ» (1994), «Կարմիր մայրամուտ» (2004), «Ու կյանքը ձգվում է մահվան միջով» (2004) պատմվածքների ժողովածուները[1][2]։
Նրա սցենարներով նկարահանվել են վավերագրական ֆիլմեր։
Պարգևներ
խմբագրել- «Երեք վիպակ» գրքի համար արժանացել է Մկրտիչ Սարգսյանի անվան մրցանակի, 2011
- «Կարմիր մայրամուտ» ժողովածուն արժանացել է ՀԳՄ Դերենիկ Դեմիրճյանի անվան մրցանակի, 2004
Երկեր
խմբագրել- Տասներկու պատմվածք, Երևան, 2010։
- Ու կյանքը ձգվում է մահվան միջով, Երևան։
- Կարմիր մայրամուտ, Երևան, 2004։
- Արնախաչ, Երևան, 1994։
- Տոհմի կանաչ ծառը, Երևան, 1988։