Վալերի Բրյուսովի թանգարան
Վալերի Բրյուսովի թանգարան, Վալերի Բրյուսովի թանգարանը Երևանում։ Գտնվում է Երևանի Վ. Բրյուսովի անվան պետական լեզվահասարակագիտական համալսարանում, Թումանյան 42 հասցեում։
Վալերի Բրյուսովի թանգարան | |
|---|---|
 | |
| Տեսակ | թանգարան |
| Երկիր |  Հայաստան |
| Տեղագրություն | Երևան |
| Վայր | Վ․ Բրյուսովի անվան պետական համալսարան |
| Հասցե | Թումանյան 42Թումանյան փողոց |
| Հիմնադրվել է | 2010 |
| Տնօրեն | Աննա Չուլյան |
| Հավաքածուի չափս | 240 |
| Կայք | brusovcenter.info |
 | |
 | |
Պատմություն
խմբագրելՎալերի Բրյուսովի թանգարանը որպես առանձին կառույց հիմնադրվել է 2010 թ.՝ անջատվելով «Բրյուսովյան գիտական կենտրոն»-ից։
Ցուցանմուշներ
խմբագրելԹանգարանի հավաքածուն ներառում է մոտ 240 օրինակ նմուշ, այդ թվում՝ հեղինակի կենդանության օրոք լույս տեսած նրա գրքերը (1894-1924), պատանի տարիներին նրա հիմնադրած «Листок» և «Начало» ձեռագիր ամսագրերը, հայ գրողների, գրականագետների, հասարակական գործիչների մակագրված և Բրյուսովին նվիրած գրքեր, նրա մահվան դիմակն ու ձեռքի ծեփակերտը (հեղ.՝ ակադեմիկոս Ս. Մերկուրով), նկարներ Բրյուսովի տանից (հեղ.՝ Ն. Մոզալևսկայա «Բրյուսովի կաբինետը», Ս. Մալյուտին «Վալերի Բրյուսով»)։ Թանգարանը բաղկացած է հետևյալ ցուցադրություններից՝ «Բրյուսովի կենսագրություն և ստեղծագործություն», «Վ. Բրյուսովի կենդանության օրոք լույս տեսած գրքեր (1894-1924)», «Բրյուսովը և Հայաստանը», «Բրյուսովը՝ համաշխարհային գրականության թարգմանիչ», «Բրյուսովը և իր դարաշրջանը», «Բրյուսովյան ընթերցումների պատմություն»[1]։
Գործունեություն
խմբագրելՈւսանողների, համալսարան այցելող հյուրերի և տարբեր երկրներից ժամանած զբոսաշրջիկների համար թանգարանում պարբերաբար հայերեն, ռուսերեն և անգլերեն լեզուներով անցկացվում են էքսկուրսիաներ, ինչպես նաև ուսանողների, դպրոցների աշակերտների համար՝ թեմատիկ դասախոսություններ։
Թանգարանի մուտքն ազատ է։
Հասանելիություն
խմբագրել2016 թ. Վ.Բրյուսովի թանգարանը ներառվել է «Հայաստանի և Արցախի թանգարանների» շտեմարանում, իսկ 2017 թ.-ին՝ «Համալսարանական թանգարանների և հավաքածուների համաշխարհային շտեմարանում» (Worldwide database of University Museums and Collections)[2]:
Վ.Բրյուսովի թանգարանի վիրտուալ հավաքածուներ ստեղծելու նպատակով 2017 թ., առաջինը Հայաստանում, Google Cultural Institute-ի հետ կնքվել է պայմանգիր, իսկ 2018 թ. սեպտեմբերին «Բրյուսովյան ընթերցումներ-2018» միջազգային գիտաժողովին իրականացվել է «Բրյուսովը և հայկական պոեզիան» և «Բրյուսովը և երաժշտությունը» վիրտուալ հավաքածուների շնորհադեսները, որտեղ ներկայացված են թանգարանի ունիկալ նյութերը[3]։
Ծանոթագրություններ
խմբագրել- ↑ «Exposition». brusovcenter.info (ռուսերեն). Արխիվացված է օրիգինալից 2018 թ․ նոյեմբերի 11-ին. Վերցված է 2018 թ․ նոյեմբերի 21-ին.
- ↑ Worldwide Database of University Museums and Collections, Valery Bryusov Museum
- ↑ Brusov Museum