Վալդիվյան անտառ
- Համարակալած ցանկի տարր
Վալդիվյան անտառ, Հարավային Ամերիկայի էկոտարածաշրջանում նեոտրոպիկի մաս կազմող, անձրևային, խառը տիպի անտառներ։ Անվանումն առաջացել է Վալդիվիա քաղաքի անունից։
| Վալդիվյան անտառ | |
|---|---|
 | |
| Տեսակ | Էկոհամակարգ և WWF ecoregion? |
| Երկիր |  Չիլի և  Արգենտինա |
 | |
 | |
 | |
Բնութագիր
խմբագրելՎալդիվյան անտառները գտնվում են Արևմտյան Պատագոնիայի կենտրոնում՝ գերազանցապես Չիլիի տարածքում, մի փոքր մասն էլ Արգենտինայում։ Սահմանակից էկոտարածաշրջաններն են Մագելանյան անտառները, Պատագոնիական անապատը, չիլիական մակվիստը (մշտադալար թփուտներով ու խոտատարածքներով ձևավորվող էկոգոտի) և Հարավային Անդերի տափաստանները։ Մոտավոր հաշվարկներով այդ անտառները զբաղեցնում են 250-300 հազար քառակուսի կիլոմետր ընդհանուր մակերես՝ գերազանցելով Մեծ Բրիտանիայի տարածքին։
Տեղադրությունը. հարավային լայնության 40 աստիճանի շրջանը՝ Անդյան լեռների լանջերին (մինչև 1200-2200 մետր բարձրություններում) և Չիլոե կղզին[1]։
Կլիման խոնավ է. տեղումներ լինում են տարվա բոլոր եղանակներին և տարեկան կտրվածքով կազմում են 1500-3000 միլիմետր։ Միջին ջերմաստիճանը ամռանը 12-15 աստիճան է, ձմռանը՝ 6-8 աստիճան, իսկ լեռնային շրջաններում ավելի սառն է[1]։
Վալդիվյան անտառները մշտադալար են, սակայն դրանցում հանդիպում են նաև տերևաթափվող բույսեր։ Հիմնական բուսազանգվածը կազմում են փշատերև ծառատեսակներն ու պտերը։ Դրանց շատ տեսակներ էնդեմիկ են և հանդիպում են միայն Վալդիվյան անտառներում։
Տարածաշրջանի բուսական աշխարհի տիպական ներկայացուցիչներն են ֆիցռոյան, էքստոքսիկոնը, լապաժերիան, մագելանյան մայտենուսը, կեղծ պանաքսի ու նոտոֆագուսի մի շարք տեսակներ, Eucryphia cordifolia-ն, Caldcluvia paniculata-ն, Weinmannia trichosperma-ն, Podocarpus nubigenus-ը, չիլիական արաուկարիան:Կենդանական աշխարհի ներկայացուցիչներից են ռելիկտային համարվող չիլոեյան փշախոզը, աշխարհի ամենափոքր եղնիկը՝ պուդուն, չիլիական կոդկոդ կատուն։ Քսաներորդ դարում Վալդիվյան անտառների պայմաններին հարմարեցվել և այս վայրերում բազմացել ու տարածվել են վարազները։
Չիլիում և Արգենտինայում վալդիվյան անտառների տարածքում ստեղծվել են շուրջ քսան ազգային պարկեր ու պահպանվող գոտիներ;
Տես նաև
խմբագրելԾանոթագրություններ
խմբագրելԱրտաքին հղումներ
խմբագրել- Explore the Valdivian Coastal Reserve Արխիվացված 2011-01-20 Wayback Machine
- Valdivian temperate rain forests/Juan Fernandez Islands (World Wildlife Fund)
- Research at Chiloé Rain Forest
- Flora species from Valdivian rain forests Արխիվացված 2020-08-01 Wayback Machine
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Valdivian temperate rain forest կատեգորիայում։ |