Սև գիրքը

«Սև գիրքը» (թուրքերեն՝ Kara Kitap), թուրք արձակագիր Օրհան Փամուքի վեպը, որը հրատարակվել է 1990 թվականին։ Վեպը գրվել է 1985-1989 թվականներին։ Գիրքը բաղկացած է երկու մասից (առաջին մաս՝ 19 գլուխ, երկրորդ մաս՝ տասնյոթ գլուխ) և Օրհան Փամուկի վերջաբանից, որտեղ ներկայացնում է վեպի ստեղծման պատմությունը։ Վեպն ընծայված է Այլընին։ Վեպի բնաբանն է. «Իբնի Արաբին ասում է՝ իր դերվիշ հոգին երկինք համբարձվում, հասնում է աշխարհը շրջապատած Քաֆ լեռանը, տեսնում է, որ սարի շուրջ օձ է փաթաթվել։ Ակնհայտ է, որ այսօր աշխարհի շուրջ նման սար և սարի շուրջ նման օձ չկա։ Իսլամի հանարագիտարան»։

Սև գիրքը թուրքերեն՝ Kara Kitap
Հայերեն հրատարակության շապիկը (2017)
Հեղինակ	Օրհան Փամուք
Տեսակ	գրական ստեղծագործություն
Ժանր	վեպ
Բնօրինակ լեզու	թուրքերեն
Կերպար(ներ)	Մելիհ, Գալիփ
Ստեղծման տարեթիվ	1985-1989
Նկարագրում է	Ստամբուլի մարզ
Էջեր	496
Խմբագիր	Արքմենիկ Նիկողոսյան
Կազմի հեղինակ	Սոֆի Հարությունյան, Վիկտորիա Հարությունյան
Երկիր	Հայաստան
Հրատարակման վայր	Երևան
Հրատարակիչ	Անտարես
Հրատարակման տարեթիվ	2017
Թարգմանիչ	Արփի Աթաբեկյան
ԳՄՍՀ	978-9939-76-008-7
ՀՏԴ	821.112.2-31
ԳՄԴ	84(5Թու)-44
OCLC	1078334134

«Սև գիրքը» ներկայացնում է Ստամբուլի Նիշանթաշը թաղամասում, Շեհրիքալփ կոչվող տանը ապրող ավանդապահ մի ընտանիքի զավակների` երկու եղբայրների (Մելիհի և եղբոր) ժառանգների պատմությունը։

Հայերեն հրատարակություն

Վեպը հայերեն լույս է տեսել 2017 թվականին «Անտարես» հրատարակչության «Նոբելյան մրցանակակիրներ» մատենաշարով։ Թուրքերենից թարգմանել է Արփի Աթաբեկյանը։ Խմբագիր՝ Արքմենիկ Նիկողոսյան։ Շապիկը՝ Սոֆի Հարությունյանի, կազմի ձևավորումը՝ Վիկտորիա Հարությունյանի։ 496 էջ։

Հայերեն հրատարակության հանձնարարականը

«Սև գիրքը» (1990 թ.) Օրհան Փամուքի լավագույն վեպերից մեկն է։ Վեպի գլխավոր հերոս Գալիփը, որոնելով կորած կնոջը, ոտնատակ է տալիս ամբողջ Ստամբուլը, և նրա որոնման յուրաքանչյուր կանգառ դառնում է նրբագեղ գործվածքի նմանվող այդ պատմության հերթական գույնը...

Գրականություն

• Անի Ավետիսյան. Օրհան Փամուքը և իր «Սև գիրք»-ը Archived 2018-01-18 at the Wayback Machine.
• Գևորգ Սահակյան. Հետմոդեռնիստական առանձնահատկությունների դրսևորումը Օրհան Փամուքի «Սև գիրքը» վեպում
• Արփի Աթաբեկյան. Հայելի Օրհան Փամուքի «Սև գրքում»