Սևամարմին աքսորված
Սևամարմին աքսորված | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Entomogonus amandanus
|
Սևամարմին աքսորված (լատին․՝ Entomogonus amandanus), սևամարմինների ընտանիքին պատկանող միջատ։ Գրանցված է Հայաստանի Կարմիր գրքում։
Նկարագրություն
խմբագրել18-22 մմ երկարությամբ, թույլ մարմնով միջին չափի բզեզ է։ Գունավորումը գրեթե միատարր սև է, վերնաթևերը՝ ձվաձև։
Տարածվածություն
խմբագրելՏարածված է Հայաստանում՝ Մեղրու շրջանի մի շարք տեղերից՝ Մեղրի քաղաքի մոտակայքից (Կալդաշ լեռան հարավային լանջ) և Շվանի ձոր գյուղից դեպի հյուսիս (Սյունիքի մարզ), Նախիջևանի Ինքնավար Հանրապետությունում։
Էկոլոգիա
խմբագրելՀանդիպում է նոսր անտառներում։ Մեղրու մոտ հայտնաբերվել է գիհու, իսկ Շվանի ձորում՝ կաղնու նոսր անտառներում։ Հավաքը կատարվել է մայիս-հունիս ամիսներին մեծ քարերի տակ, հողի մակերեսին (երբեմն բարձրանում են խոտերի և թփերի վրա)։
Կենսաբանական առանձնահատկությունները հայտնի չեն։
Պահպանություն
խմբագրելՍահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Թվաքանակի և դրա փոփոխության միտումները ցածր են, հայտնի են սակավաթիվ նմուշներ։
Տեսակին սպառնացող վտանգներից է՝ բնակելի տարածքներում վառելիքի համար խոտաթփային բուսականության հատում, անասունների, հատկապես՝ այծերի չկարգավորված արածեցում։
Պահպանվում է «Արևիկ» ազգային պարկում[1]։
Ծանոթագրություններ
խմբագրել- ↑ Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.