Սրեդիննի լեռնաշղթա (ռուս.՝ Срединный хребет), Արևմտյան լեռնաշղթա, Կամչատկայի գլխավոր ջրբաժան լեռնաշղթան։ Ձգվում է թերակղզու ամբողջ երկարությամբ մոտ՝ 1200 կմ։
Լայնությունը մինչև 120 կմ է, առավելագույն բարձրությունը՝ 3621 մ (Իչինսկայա սոպկա, ռուս.՝ Ичинская Сопка)։ Կազմված է բյուրեղային թերթաքարերից, գնեյսներից, ավազաքարերից և հրաբխային ապարներից։ Շատ են հանգած հրաբուխները։ Կան ռելիեֆի սառցադաշտային ձևեր (կարեր, տրոգներ)։ Ժամանակակից սառցապատումը 866 կմ² է։ Ցածրադիր մասերում տիրապետում է անտառային բուսածածկույթը, բարձրադիր մասերում՝ լեռնային տունդրան։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Ռուսաստան
