Ստեփան Սաֆարյան

Վիքիպեդիայում կան հոդվածներ Սաֆարյան ազգանունով այլ մարդկանց մասին։

Ստեփան Ռուբենի Սաֆարյան (դեկտեմբերի 12, 1922(1922-12-12), Երևան, Հայկական ԽՍՀ, ԱԽՖՍՀ - 1987), խորհրդային պետական աշխատող, ԽՄԿԿ անդամ (1950)։

Ստեփան Սաֆարյան
Ծնվել է	1922 դեկտեմբերի 12
Ծննդավայր	Երևան
Մահացել է	1987
Քաղաքացիություն	Հայկական ԽՍՀ
Ազգություն	հայ
Աշխատանք	պետական գործիչ

Գործունեություն

Ավարտել է խորհրդային աոևտրի համամիութենական ինստիտուտը (1949)։ ՀԽՍՀ ֆինանսների նախարար (20.06.1969-20.06.1975)։

1940-1945 թվականներին ծառայել է խորհրդային բանակում։ 1946 թվականից աշխատել է ՀԽՍՀ Մինիստրների խորհրդի ապարատում (գործերի կառավարչի օգնական, ֆինանսների և բանկերի բաժնի վարիչ), 1957-1958 թվականներին՝ ՀԿԿ ԿԿ-ում, 1958 թվականին՝ ՀԽՍՀ պետպլանի նախագահի տեղակալ, 1959 թվականից՝ ՀԽՍՀ առևտրի նախարարի առաջին տեղակալ, 1965 թվականից՝ պետբանկի հայկական հանրապետական գրասենյակի կառավարիչ։ 1968-1975 թվականներին՝ ՀԽՍՀ ֆինանսների նախարար։ 1975 թվականից ՀԽՍՀ առևտրի նախարար։ Եղել է ՀԿԿ ԿԿ-ի անդամ (1971 թվականից), ՀԽՍՀ VII - IX գումարումների Գերագույն խորհրդի պատգամավոր, ՀԿԿ XXV-XXVII համագումարների պատգամավոր։

Մրցանակներ

Պարգևատրվել է Աշխատանքային կարմիր դրոշի 2, «Պատվո նշան» և ժողովուրդների բարեկամության շքանշաններով։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 255)։