Ստարոմեստկայի ռատուշա
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Ստարոմեստկայի ռատուշա (չեխ.՝ Staroměstská radnice), Պրահայում հիմնադրվել է 1338 թվականին թագավոր Յան Լյուքսեմբուրգսկու կողմից Ստարոմեստկայի քաղաքացիներին նվիրված արտոնության հիման վրա։ Կոմպլեքսը կազմված է Պրահայի Հին քաղաքի քաղաքապետության (մագիստրատ) կարիքների համար անհրաժեշտ Ստարոմեստկայի հրապարակին հարակից և հետզհետե մեկ ամբողջության միավորված մի քանի տներից։ Ռատուշայի շենքում գտնվում է թանգարան, անց են կացվում ցուցահանդեսներ, ինչպես նաև հատուկ դահլիճում հանդիսավոր գրանցում են ամուսնություններ։
| Ստարոմեստկայի ռատուշա | |
|---|---|
 | |
| Տեսակ | քաղաքապետարան և թանգարան |
| Երկիր |  Չեխիա[1] |
| Վարչատարածք | Հին քաղաք[1] և Պրահա 1 |
| Առաջին հիշատակում | 1338 |
 | |
 | |
Պատմություն խմբագրել
Ռատուշայի հիմնումը խմբագրել
Պատմականորեն առաջին շենքը եղել է 13-րդ դարի վերջին կառուցված անկյունային վաղ գոթական տունը, որը քաղաքացիներն ստացել էին հարուստ վաճառական Վոլֆ Կամենեից։ Տան գերակշռող մասը 1364 թվականին կառուցված վիթխարի պրիզմայաձև աշտարակն է։ 1381 թվականին կառուցվել է գոթական մատուռը։ 15-րդ դարի սկզբում հարավային կողմում կցակառուցվել է պատի երգող ժամացույցը։
Ռատուշայի ընդլայնումը խմբագրել
1360 թվականին առաջին շենքի արևմտյան կողմում կցակառուցվել է երկրորդ առանձնաշենքը, որում գտնվում էր տեղական ինքնակառավարման փայտե գոթական առաստաղով նիստերի դահլիճը։
1458 թվականին տեղական իշխանությունները գնում են երրորդ շենքը՝ ռոմանական հիմքով կառուցված կաշեգործ Միկշի տունը։
1805-1807 թվականներին վերևում տեղադրվում է նոր ժամացույց, ավելացվում է հրապարակ։ Հաջորդ շենքը ռատուշային կցակառուցվում է 1830-1834 թվականներին։ Այդ նույն ժամանակ ռատուշային է միացվում արևելյան թևը։ Սակայն արևելյան թևը քանդում են և ճարտարապետներ Պյոտր Նոբիլեի և Պավել Սպինգերի նախագծով դրա տեղում կառուցում նոր գոթական թևը։
1880 թվականին ճարտարապետ Բաումը նոր վերածննդի ոճով վերակառուցում է Միկշի տունը։
Ռատուշայի հրդեհը խմբագրել
1945 թվականի մայիսին ռատուշան պաշտպանական կետ էր ծառայում։ Ապստամբների և գերմանական բանակի միջև մարտերը տեղ էին ունենում մոտակայքում, ինչի հետևանքով ռատուշան մեծ վնասներ է կրում։ Հրդեհն ամբողջովին ոչնչացնում է նորգոթական թևը, վնասվում են աշտարակը և ժամացույցը։
Տեխնիկական տվյալներ խմբագրել
- Աշտարակի բարձրությունը 56,59 մ է
- Աշտարակի լայնությունը (հարավային կողմ) 8,37 մ է։
- Ռատուշայի լայնությունը 67,45 մ է։
Ծանոթագրություններ խմբագրել
- ↑ 1,0 1,1 archINFORM (գերմ.) — 1994.
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ստարոմեստկայի ռատուշա կատեգորիայում։ |