Սարիբեկ Սուքիասյան
[1]Սարիբեկ Ալբերտի Սուքիասյան ( սեպտեմբերի 7,1965, Երևան, Հայաստան), «ՀԱՅԷԿՈՆՈՄԲԱՆԿ» ԲԲԸ խորհրդի նախագահ:
Կենսագրություն
Ծնվել է 1965թ. սեպտեմբերի 7-ին Երևանում:
1985-1987թթ. ժամկետային զինծառայության է անցել ԽՍՀՄ զինված ուժերում:
Սարիբեկ Սուքիասյան | |
---|---|
Ծնվել է | սեպտեմբեր 7, 1965 (57 տարեկան) |
Ծննդավայր | Երևան, Հայաստան |
Քաղաքացիություն | Հայաստան |
Կրթություն | Երևանի անասնաբուծական-անասնաբուժական ինստիտուտ |
Մասնագիտություն | գործարար |
Ծնողներ | Սուքիասյան Ալբերտ, Կոկոյանց Անժելա |
Զբաղեցրած պաշտոններ | «ՀԱՅԷԿՈՆՈՄԲԱՆԿ» ԲԲԸ խորհրդի նախագահ |
Կայք | sukiasyan.am |
Կրթություն
1990թ. ավարտել է Երևանի անասնաբուծական-անասնաբուժական ինստիտուտը:
2000թ. պաշտպանել է թեկնածուական թեզ և ստացել տնտեսագիտության թեկնածուի գիտական աստիճան: Մասնակցել է տնտեսագետների որակավորման բարձրացման դասընթացների Հայաստանում և արտերկրում:
Տիրապետում է հայերեն, անգլերեն և ռուսերեն լեզուներին:
Աշխատանքային գործունեություն
1988թ. սկսած ընտանիքի անդամների հետ զբաղվել է ձեռնարկատիրական գործունեությամբ:
1988-1991թթ. զբաղեցրել է «ՎԱՂԱՐՇԱՊԱՏ» կոոպերատիվի նախագահի պաշտոնը:
1991-1996 թթ. զբաղեցրել է Երևանի «Տարա-վերանորոգում» ԲԲԸ տնօրենի պաշտոնը:
1996‑1997թթ. զբաղեցրել է «Տարա-վերանորոգում» ԲԲԸ նախագահի պաշտոնը:
1999թ. մինչ այժմ զբաղեցնում է «Սիլ Կոնցեռն» ՍՊԸ փոխնախագահի պաշտոնը:
1997-1998թթ. հանդիսացել է «ՀԱՅԷԿՈՆՈՄԲԱՆԿ» ԲԲԸ տնօրենների խորհրդի անդամ:
1998-2005թթ. հանդիսացել է «ՀԱՅԷԿՈՆՈՄԲԱՆԿ» ԲԲԸ տնօրենների խորհրդի նախագահ:
2006թ. առ այսօր զբաղեցնում է «ՀԱՅԷԿՈՆՈՄԲԱՆԿ» ԲԲԸ խորհրդի նախագահի պաշտոնը:
Հանդիսանում է «Հայաստանի արդյունաբերողների և գործարարների միության» նախագահության կազմի անդամ:
Մեկենասություն
Ներգրավված է եղել և առ այսօր ակտիվորեն մասնակցում է բարեգործական մի շարք ծրագրերի և նախագծերի:
Պարգևներ և մրցանակներ
Մշակույթի զարգացումը խթանելու և մեկենասության հայրենի ավանդույթները վերահաստատելու համար ՀՀ մշակույթի նախարարության և «Ոսկե Ծիրան» Երևանի միջազգային կինոփառատոնի կողմից պարգևատրվել է «Մանթաշյանց ասպետ» պատվո արծաթե շքանշանով:
Ընտանիք
Ամուսնացած է, ունի չորս երեխա:
Հղումներ
- ↑ «Կենսագրություն — Սարիբեկ Սուքիասյան». Վերցված է 2023-06-22-ին.