Գարի Դևիս
Վերապատվելի Գարի Դևիս (անգլ.՝ Reverend Gary Davis, նաև կույր Գարի Դևիսը, անգլ.՝ Blind Gary Davis;Ապրիլի 30, 1896 — մայիսի 5, 1972), ամերիկացի բլյուզ և ավետարանական երաժիշտ, երգիչ և կիթառահար, ով նույնպես նվագել է բանջո և Հարմոնիա։ Կիթառ նվագելու նրա օրիգինալ ոճը (fingerstyle) զգալիորեն ազդել է 20-րդ դարի ամերիկացի շատ այլ երաժիշտների վրա[1]։
Կենսագրություն
Հարի Դևիսը ծնվել է Հարավային Կարոլինայի Ֆլորենս քաղաքում և իր մոր ութ երեխաներից միակն էր, ով ապրում էր մինչև հասուն տարիքը: Հարրին ծնվել է գրեթե կույր և մանուկ հասակում վերջնականապես կորցրել է տեսողությունը։ Նրա հայրը սպանվեց Ալաբամա նահանգի Բիրմինգհեմ քաղաքում, երբ Դևիսը տասը տարեկան էր, իսկ Դևիսը հետագայում ասաց, որ իրեն ասել են, որ իր հայրը գնդակահարվել է Բիրմինգհեմի գլխավոր Շերիֆի կողմից: Նա հիշում էր, որ իր մայրը վատ էր վերաբերվում իրեն, և որ մահից առաջ հայրը որդուն հանձնել էր մոր խնամքին, այսինքն ՝ հայրական տատիկին[2]։
Հարրին սկսել է կիթառ նվագել վեց տարեկանից։ Իր երաժշտության հիմքում նա վերցրել է յուրահատուկ ոճ, որը հիմնված է բացառապես բթամատով և ցուցամատով նվագելու վրա։ Նվագել է ոչ միայն ռեգթայմ և բլյուզ մեղեդիներ, այլև ավանդական, բանահյուսական և օրիգինալ մեղեդիներ ։
1920-ականների կեսերին Դևիսը տեղափոխվեց Դուրհամ, Հյուսիսային Կարոլինա, այն ժամանակվա աֆրոամերիկյան մշակույթի հիմնական կենտրոնը: Այնտեղ նա համագործակցել է պիեմոնտյան բլյուզի այլ կատարողների հետ (en:Piedmont blues)[1]։Ջ. Բ. Լոնգը ՝ խանութի մենեջերը, ով զբաղվում էր տեղի արտիստների աջակցությամբ, Դևիսին ներկայացրեց American Record Company-ին։ Դեյվիսը մի քանի գրառում արեց նրա հետ, և դա նրա մեծ կարիերայի սկիզբն էր: Դուրհամում Դևիսը քրիստոնեություն ընդունեց և հետագայում ձեռնադրվեց Բապտիստ քահանա[1]։Քրիստոնեություն անցնելուց և հատկապես ձեռնադրվելուց հետո Դևիսի երաժշտության գաղափարախոսության հիմքը Ավետարանի գաղափարներն էին ։
1940-ականներին Դուրհամի բլյուզը սկսեց կորցնել ժողովրդականությունը, և Դևիսը տեղափոխվեց Նյու Յորք[1]։
1960-ականներին, ԱՄՆ-ում ֆոլկ երաժշտության հանդեպ հետաքրքրության մեծացման ժամանակ, Դևիսը, ով զգալիորեն կորցրել է ժողովրդականությունը, կրկին հայտնի է դառնում.մասնավորապես, ելույթ է ունենում Newport Folk Festival-ում և համատեղ ձայնագրություններ է անում Peter, Paul and Mary եռյակի հետ ։
Մահացել է 1972 թվականի մայիսին սրտի կաթվածից Համմոնթոն քաղաքում, Նյու Ջերսի[3]։
Ծանոթագրություններ
- ↑ 1,0 1,1 1,2 1,3 Russell, Tony The Blues - From Robert Johnson to Robert Cray. — Dubai: Carlton Books Limited, 1997. — С. 105. — ISBN 1-85868-255-X
- ↑ «Liner notes to Lifting the Veil: The First Bluesmen (1926—1956) Rev. Gary Davis & Peers (World Abiter Records, 2007)». Արխիվացված է օրիգինալից 2012-07-30-ին. Վերցված է 2012-06-23-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Thedeadrockstarsclub.com — accessed December 2009». Արխիվացված է օրիգինալից 2018-10-25-ին. Վերցված է 2012-06-23-ին.
{{cite web}}: Unknown parameter|deadlink=ignored (|url-status=suggested) (օգնություն); no-break space character in|title=at position 25 (օգնություն)