Մարիա դո Կարմո Սիլվեյրա
Կաղապար:Infobox officeholder Մարիա դո Կարմո Տրովոադա Պիրես դե Կարվալյո Սիլվեյրա (ծնված 1961 թվականի փետրվարի 14-ին) 2005 թվականի հունիսի 8-ից մինչև 2006 թվականի ապրիլի 21-ը եղել է Սան Տոմե և Պրինսիպիի 13-րդ վարչապետը[1]:
Նախապատմություն
Որպես տնտեսագետ կրթություն է ստացել Դոնեցկի ազգային համալսարանում (Ուկրաինա), որպես պետական կառավարման մագիստրոս՝ Ստրասբուրգի կառավարման ազգային դպրոցում:1999-2005 թվականներին եղել է Սան Տոմեի և Պրինսիպիի Կենտրոնական բանկի երրորդ կառավարիչը հաջորդելով Կառլոս Կուարեսմա Բատիստա դե Սոզաին, այնուհետև Արլինդո Աֆոնսո Կարվալյոին, իսկ 2011-ից 2016 թվականներին եղել է որպես վեցերորդ նահանգապետ, հաջորդելով Լուիս Ֆերնանդո Մորեյրա դե Սոուզային[2][3][4]:
Վարչապետ
2005 թվականի հունիսի 8-ից մինչև 2006 թվականի ապրիլի 21-ը զբաղեցրել է Սան Տոմե և Պրինսիպիի վարչապետի և պլանավորման և ֆինանսների նախարարի պաշտոնը[5]:
Սիլվեյրան՝ երկրի երկրորդ կին վարչապետը, Սան Տոմեի և Պրինսիպեիի ազատագրման շարժման անդամ է (MLSTP-PSD) և եղել է կուսակցության գործադիր խորհրդի անդամ[3]։
Սիլվեյրան հայտարարեց, որ մակրոտնտեսական կայունությունն իր առաջնահերթությունն է և և հասավ իր ուզածին՝ լուծելով պետական հատվածում արհմիությունների հետ աշխատավարձերի վեճը, աջակցություն ստանալով Արժույթի միջազգային հիմնադրամից(ԱՄՀ) և Անգոլայի հետ նավթային ոլորտում համագործակցության համաձայնագիր ձեռք բերելով[6]:
Իրավահաջորդություն
Նրա վարչապետության ժամկետն ավարտվեց 2006 թվականի խորհրդարանական ընտրություններից հետո, երբ ընդդիմությունը հաղթեց MLSTP-PSD-ին, իսկ 2006 թվականին նրան վարչապետի պաշտոնում փոխարինեց Թոմե Վերա Կրուզը[3]։
Պորտուգալալեզու երկրների համագործակցության գործադիր քարտուղար
2017 թվականի հունվարին Մարիա դո Կարմոն ստանձնեց Պորտուգալալեզու երկրների համագործակցության գործադիր քարտուղարի պաշտոնը՝ հաջորդելով մոզամբիկացի Մուրադե Մուրարգիին, իսկ 2019 թվականի հունվարին նրան հաջորդեց պորտուգալացի Ֆրանցիսկո Ռիբեյրո Տելլեսը։
Տես նաև
- Սան Տոմեի և Պրինսիպիի քաղաքականություն
Ծանոթագրություններ
- ↑ «At-a-glance: Women Prime Ministers». SBS News. 23 Aug 2013. Վերցված է 2014-08-04-ին.
- ↑ «Maria do Carmo Silveira». www.cplp.org. Վերցված է 2019-12-02-ին.
- ↑ 3,0 3,1 3,2 Jane S. Jensen (2008). Women Political Leaders. Palgrave Macmillan. էջեր 58–59. ISBN 9780230616851.
- ↑ «Banco Central de S.Tomé e Príncipe». www.bcstp.st.
- ↑ Seibert, Gerhard (1 May 2006). Comrades, Clients and Cousins: Colonialism, Socialism and Democratization in São Tomé and Príncipe (անգլերեն). BRILL. ISBN 9789047408437.
- ↑ Skard, Torild (2014) "Maria do Carmo Silveira" in Women of power female presidents and prime ministers worldwide, Bristol: Policy Press, 978-1-44731-578-0, pp. 300-01