Արտուրո Ռոման
Արտուրո Ռոման (իսպ.՝ Arturo Román), Նեթֆլիքս ընկերության «Թղթե տունը» հեռուստասերիալի մտացածին կերպար, որի դերակատարը Էնրիքե Արսեն է[1]։ Առաջին և երկրորդ եթերաշրջաններում նա աշխատում էր Իսպանիայի թագավորական դրամահատարանում՝ որպես տնօրեն, աշխատավայրում պատանդ է ընկնում, իսկ հետագայում, իր փորձը օգտագործելով, ստեղծում է հանրային ելույթներ կատարելու հաջող կարիերա։ Մի քանի տարի անց՝ երրորդ եթերաշրջանում, վերադառնում է, դառնում Իսպանիայի բանկում տեղի ունեցով ավելի խոշոր կողոպուտի պատանդ։
| Արտուրո | |
|---|---|
| Թղթե տունըի հերոս | |
| Առաջին անգամ հայտնվել է | «Արա այնպես, ինչպես պլանավորված էր» (2017) |
| Վերջին անգամ հայտնվել է | «Փարիզի պլան» (2020) |
| Ստեղծող | Ալեքս Պինա |
| Տեղեկություններ | |
| Ամբողջական անուն | Արտուրո Ռոման |
| Մականուն(ներ) | Արտուրիտո |
| Ամուսին(ներ) | Լաուրա Ռոման (ամուսնալուծված) |
| Երեխաներ | Երեք անհայտ անուններով երեխաներ Սինսինատի (որդի) |
| Ազգություն | իսպանացի |
Կերպար խմբագրել
Առաջին և երկրորդ եթերաշրջաններում Արտուրոն պատանդների շրջանում իրենց առևանգողների դեմ ընդդիմություններ է կազմակերպում։ Առաջին մասում Դենվերի կողմից ստանում է «Արտուրիտո» մականունը, որը նշանակում է «փոքրիկ Արտուրո», վերջինս օգտագործվում է նաև հետագա մասերում։ Իր կյանքից դժգոհ լինելու և իր նախկին սիրուհու՝ Մոնիկայի հետ հարաբերությունների խզման պատճառով Արտուրոն միջոցներ է ձեռնարկում, որ երրորդ եթերաշրջանում Իսպանիայի բանկի կողոպուտի ընթացքում նորից պատանդ դառնա, ինչը նրա մոտ ստացվում է։
Քանի որ Արսեն կենտրոնացել էր Միացյալ Նահանգներում իր դերասանական կարիերայի առաջխաղացման վրա, սկզբում հետաքրքրված չէր դերով, որին նկարագրել է «զզվելի տղա» բառերով[2]։ Դերակատարը պատահաբար վիճակախաղի գովազդ է տեսել ու դա նշան համարել և համաձայնվել նկարահանվել՝ իմանալով, որ դերը երկարաժամկետ չէ, և կերպարը մահանալու է վեցերորդ սերիայում[2]։
Բրազիլական Veja ամսագիրը կերպարը նկարագրում է որպես «սիրված մի քանիսի և ատելի մյուսների կողմից (հավանաբար ավելի շատ ատելի)»[3], իսկ El Economista ամսագրից Մարկո Ալմոդովարը կերպարը նկարագրել է սկզբում «մի քիչ անտանելի», ավելի ուշ՝ երկրպագուների կողմից սիրված, դրա համար էլ սերիալի ստեղծողները որոշել են երրորդ եթերաշրջանի բացումը անել Արտուրոյին որպես հերոս ներկայացնելով[2]։ Այս փոփոխությունը պայմանավորված է եղել լսարանի՝ Արտուրոյին որպես կատակերգական կերպար ընդունելով, չնայած նա կողոպուտի ընթացքը երբեմն խանգարում էր[4]։ La Nación ամսագրից Գիլմերո Կուարոն Արտուրոյին երրորդ եթերաշրջանում նկարագրում է որպես եթերաշրջանի ավելորդ հատված, որը խախտում է ռիթմը և շարունակում է մնալ միայն երկրպագուներին գոհացնելու համար[5]։
Ծանոթագրություններ խմբագրել
- ↑ «Enrique Arce es Arturo Román, el jefe de la Fábrica Nacional de Moneda y Timbre» (իսպաներեն). antena3.com. Վերցված է 2020 թ․ ապրիլի 17-ին.
- ↑ 2,0 2,1 2,2 Almodóvar, Marco (2019 թ․ հոկտեմբերի 6). «El mensaje que envió Neymar a Enrique Arce por 'La casa de papel': "¡Qué hijo de puta eres, Arturito!"» (իսպաներեն). ecoteuve.eleconomista.es. Վերցված է 2019 թ․ դեկտեմբերի 22-ին.
- ↑ Almodóvar, Marco (2019 թ․ օգոստոսի 20). «Enrique Arce, o Arturito de 'La Casa de Papel', está de férias no Brasil» (պորտուգալերեն). veja.abril.com.br. Վերցված է 2019 թ․ դեկտեմբերի 22-ին.
- ↑ Almodóvar, Marco (2019 թ․ սեպտեմբերի 29). «El 'boom' de Enrique Arce tras 'La casa de papel': "Hace cuatro años no tenía dinero ni para comer"» (իսպաներեն). ecoteuve.eleconomista.es. Արխիվացված է օրիգինալից 2019 թ․ դեկտեմբերի 22-ին. Վերցված է 2019 թ․ դեկտեմբերի 22-ին.
- ↑ Courau, Guillermo (2019 թ․ հուլիսի 22). «'La casa de papel' derrocha poderío en su regreso». lanacion.com.ar (իսպաներեն). Վերցված է 2019 թ․ դեկտեմբերի 22-ին.
Արտաքին հղումներ խմբագրել
- Arturo Román on IMDb