Աբրահամ Մանուկյան

Աբրահամ Հակոբի Մանուկյան (նոյեմբերի 15, 1957(1957-11-15), Երևան, Հայկական ԽՍՀ, ԽՍՀՄ), ՀՀ պետական և քաղաքական գործիչ, ՀՀ Ազգային ժողովի նախկին պատգամավոր։

Աբրահամ Մանուկյան
Ծնվել է	նոյեմբերի 15, 1957(1957-11-15) (66 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի պետական տնտեսագիտական համալսարան
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Կուսակցություն	անկախ քաղաքական գործիչ

Կրթություն

• 1975-1976 թվականներին սովորել է Խ. Աբովյանի անվան հայկական պետական մանկավարժական ինստիտուտի պատմության ֆակուլտետում։
• 1991 թվականին ավարտել է Երևանի առեւտրատնտեսագիտական տեխնիկումը` առևտրի կազմակերպում եւ ղեկավարում մասնագիտությամբ։
• 1997 թվականին ավարտել է «Վարդանանց» համալսարանի իրավագիտության ֆակուլտետը։
• 2008 թվականին ավարտել է Մոսկվայի բիզնեսի և իրավունքի ինստիտուտը՝ տնտեսագետի որակավորմամբ։

Աշխատանքային գործունեություն

• 1976-1978 թվականներին ծառայել է Խորհրդային բանակում։
• 1978-1982 թվականներին աշխատել է Երևանի «Մասիս» արտադրական միավորման «Կոշիկի նորաձևության տուն» ֆաբրիկայում որպես կոշկակար, այնուհետև՝ պահեստապետ։
• 1983 թվականին Երևանի նուրբ բրդյա գործվածքների կոմբինատի արտադրամասի պետի տեղակալ։
• 1983-1989 թվականներին Երևանի «Գործվածքհագուստկոշիկառ» համակարգի խանութներում զբաղեցրել է ղեկավար պաշտոններ։
• 1989-1991 թվականներին «Հագուստի տուն» հանրախանութի տնօրեն։
• 1991-2003 թվականներին Հայկոոպի Երևանի միջշրջանային ունիվերսալ մանրամեծածախ բազայի փոխտնօրեն, տնօրեն, այնուհետև՝ գլխավոր տնօրեն։
• 2011-2012 թվականներին Երևանի քաղաքային ունիվերսալ բազայի տնօրենների խորհրդի նախագահ։

Պետական և քաղաքական գործունեությունը

• 2003 թվականի մայիսի 25-ին ընտրվել է ՀՀ Ազգային ժողովի 3-րդ գումարման պատգամավոր՝ ՀՀԿ համամասնական ընտրացուցակով։ ԱԺ պետական-իրավական հարցերի մշտական հանձնաժողովի անդամ։ ՀՀԿ խմբակցության անդամ։
• 2007 թվականի դեկտեմբերի 12-ին ՀՀ վարչապետի որոշմամբ նշանակվել է Հայաստանի Հանրապետության առողջապահության նախարարի տեղակալ։
• 2010 թվականի նոյեմբերի 9-ին ՀՀ վարչապետի որոշմամբ ազատվել է Հայաստանի Հանրապետության առողջապահության նախարարի տեղակալի պաշտոնից՝ իր դիմումի համաձայն։
• 2012 թվականի մայիսի 6-ին ընտրվել է ՀՀ Ազգային ժողովի 5-րդ գումարման պատգամավոր՝ «Բարգավաճ Հայաստան» կուսակցության համամասնական ընտրացուցակով։ 2012-2014 թթ. Առողջապահության, մայրության և մանկության հարցերի մշտական հանձնաժողովի, իսկ 2014 թ. փետրվարի 3-ից՝ Պաշտպանության, ազգային անվտանգության և ներքին գործերի մշտական հանձնաժողովի անդամ։
• 2014 թվականի փետրվարի 18-ին ընտրվել է Ազգային ժողովի Պաշտպանության, ազգային անվտանգության և ներքին գործերի մշտական հանձնաժողովի նախագահի տեղակալ։ Պաշտոնավարել է մինչև 2017 թ․-ը։
• 2018 թ․-ից անկուսակցական, հեռացել է քաղաքականությունից։

Ամուսնացած է, ունի երկու որդի։

Ծանոթագրություններ

Նախորդող Գրիգոր Վ. Գրիգորյան

ՀՀ Ազգային ժողովի Պաշտպանության, ազգային անվտանգության եւ ներքին գործերի մշտական հանձնաժողովի նախագահի տեղակալ Աբրահամ Մանուկյան 18 փետրվարի 2014 թ. -

Հաջորդող ներկայումս պաշտոնավարում է