«Գուրգեն (Բաղդասար Մալյան)»–ի խմբագրումների տարբերություն

Ծնվել է [[1873]] թ. [[Նախիջևան]]ի շրջանի [[Վերին Ագուլիս]] գյուղաքաղաքում մեծահարուստ առևտրականի ընտանիքում: Կրթությունը ստացել է ծննդավայրի` [[Ագուլիս]]ի դպրոցում։ [[1894]]-[[1896]] թվականներին ծառայել է ռուսական բանակում։ [[1897]] թվականի հուլիսին [[Վազգեն]]ի /(Տիգրան Տերոյան/) հետ 40 հոգուց բաղկացած խմբով անցել է [[Վան]]՝ [[Բերկրի]]ում, [[Սպահան լիճ|Սպահան լճի]] մոտ հերոսական կռիվներ է մղել [[քրդեր]]ի դեմ։ [[Խլաթ]]ում ձեռնամուխ է եղել ընդհանուր ապստամբության կազմակերպման աշխատանքներին: Կռիվներում համագործակցել է [[Վազգեն]]ի, [[Աղբյուր Սերոբ]]ի /Սերոբ Վարդանյան/ հետ։ Նամակագրություն է պահպանել [[Մշո բանտ]]ում գտնվող [[Սև-քարեցի Սաքո]]յի /(Սարգիս Ծովիանյան/) հետ: 1898 թ. Հայ հեղափոխական Դաշնակցության 2-րդ ընդհանուր ժողովի կողմից ընտրվել է ՀՅԴ Բարձրավանդակի /Սասուն/ Պատասխանատու մարմնի անդամ: [[1898]]-[[1899]] թվականներին գործել է նաև [[Մշո դաշտ]]ում, [[Սասուն]]ում։ Գուրգենը բացառել է վաղաժամ հայդուկային շարժումները և ժողովրդին զինելով՝ նախապատրաստել է ընդհանուր ապստամբության։ [[1899]] թ. գարնանը Մշո [[Ցրոնք]] գյուղում հայդուկների հետ կազմակերպչական հարցերի շուրջ բանակցելիս մատնությամբ պաշարվել է և զոհվել անհավասար կռվում։ Թաղված է [[Մուշ]]ի Սբ. Մարինեի թաղի գերեզմանոցում։