Օյմյակոնի սարահարթ

Օյմյակոնի սարահարթ, Ցանա–Օյմյակոնի բարձրավանդակի մասը Ինդիգիրկա գետի ավազանում, Ցակուտ․ Ի{ՍՀ–ում, Աունտար Խայատ և Տաս Կիստաբիտ լեռնաշղթաների միջև։ Տիրապետում էին ցածր լեռնային զանգվածները և բլրաշարերը (բարձրությունը՝ մինչև 2000 մ)։ Կազմված է ավազաքարերից և թերթաքարերից, կան գրանիտային ներժայթուկներ։ Ծածկված է կուենու նոսր անտառներով, 1200 մ-ից բարձր՝ լեռնային տունդրայով։ Օյմյակոնի իջվածքում է գտնվում Հյսուսիսային կիսագնդի ցրտի բևեռը (միջին ջերմաստիճանը մինչև –50°C է, բացարձակ նվազագույնը՝ մոտ –70°C)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։