'''Ֆրանցիսկ Սկորինա''' ([[1490]], Պոլոցկ — [[1542]], [[Պրահա]]{{ԱԾ}}), բելառուս առաջին տպագրիչը և լուսավորիչ։ [[1504]] թվականին ուսանել է Կրակովի համալսարանում, ստացել է փիլիսոփայության բակալավրի աստիճան։ [[1512]] թվականին Պադուայի համալսարանում քննություն է հանձնել բժշկագիտության դոկտորի աստիճանի համար։ [[1517]] թվականին հրատարակել է «Սաղմոսագիրքը»։ [[1517]] - [[1919]] թվականներին հրատարակել է «Աստվածաշնչի» 19 առանձին գիրք։ [[1520]]-ական թվականների սկզբին տեղափոխվել է [[Վիլնյուս]] և հիմնել տպարան։ Սկորինայի մարդասիրական գաղափարներն ազդել են արևելասլավոնական ժողովուրդների հասարակական-քաղաքական կյանքի վրա։ Նա կողմնակից Էր ժողովրդի լուսավորման, կրոնական հանդուրժողության և սոցիալական հավասարության։ Սկորինայի անվան հետ է կապվում բելառուսական գրական լեզվի ձևավորումն ու բելառուսական գրի զարգացումը։ Կյանքի վերջին տարիներին ապրել է [[Պրահա]]յում՝ որպես Ֆերդինանդ թագավորի անձնական բժիշկ ու պարտիզպան։
